Экономика

Минкаб Чүй облусундагы бир катар өнөр жай ишканаларынын ишмердүүлүгүн текшерди

Чынгыз Керимбеков

23 июня 2023 15:34

Министрлер кабинетинин төрагасы Акылбек Жапаров Чүй облусуна болгон иш сапарынын алкагында Ысык-Ата жана Аламүдүн райондорундагы бир катар өнөр жай ишканаларынын ишмердүүлүгү менен таанышты. Бул тууралуу минкаб кабарлады.

Такталгандай, Жапаров «Асыл Таш Плюс» кафель жана керамика чыгаруучу ишкананын курулушу менен таанышты. Долбоорго ылайык, ишкана биринчи этапта 400дөн ашуун адамды иш менен камсыз кылса, экинчи этапта 1000ге чейин жумуш орундарын түзүү каралууда. Өндүрүштү ишке киргизүү 2024-жылга пландалып, инвестициянын жалпы көлөмү 34.6 млн долларын түзсө, анын 25 млн долларын Орус-Кыргыз өнүктүрүү фонду бөлөт.

Андан ары Министрлер кабинетинин төрагасы «Кант труба-шифер ишканасы» ЖЧКсы (Кант ТШИ) ишке ашырып жаткан жаңы автоклавдуу газобетон заводунун курулушу менен таанышты.

Автоклавтуу газобетон заводунун курулушу 120 кошумча жумуш орундарын түзүп, салык жана социалдык төлөмдөрдүн көлөмүн жылына 100 млн сомдон ашуун көбөйтүүгө мүмкүндүк берет.

Акылбек Жапаров ата мекендик өндүрүшчүлөрдү колдоо Министрлер Кабинетинин артыкчылыктуу багыты экенин белгилеп, бул иштин алкагында мамлекеттик банктардын уставдык капиталы бир топ жогорулап, өнүктүрүү фонддору түзүлгөнүн кошумчалады.

Андан ары Жапаров Аламүдүн районундагы «Караван» соода-логистикалык борборуна барып, «Батыр логистикалык» борборунун логистикалык долбоору менен таанышты.

Иш сапарынын соңунда Министрлер Кабинетинин Төрагасы үстүбүздөгү жылдын 12-июнунда ишке киргизилген «Салих ЛТД» ЖЧКсынын балык тоюттарын өндүрүү боюнча жаңы линиясы менен таанышты.

Линиянын өндүрүштүк кубаттуулугу суткасына 40 тоннаны түзүп, 60тан ашуун адамды жумуш менен камсыз кылат. Инвестициялардын жалпы көлөмү 2 млн долларын түзсө, анын 1.3 млн долларын Орус-Кыргыз өнүктүрүү фонду бөлгөн.

Мындан тышкары окуңуз

Кытайда сейрек кездешүүчү металлдын ири кени табылды

Кытай геологдору өлкөнүн түштүк-батышында, Сычуань провинциясынын Маонюпин аймагында ири сейрек кездешүүчү металл кенин табышканын Кытайдын Борбордук телеканалы кабарлап, Global Times берди. Геологиялык изилдөө учурунда дагы 9,66–9,7 млн тонна сейрек кездешүүчү металл оксиддери аныкталып, аймактагы запастар 300%га өскөнү белгиленди. Жалпы тастыкталган ресурстардын көлөмү болжол менен 10,4

Алыскы региондордогу тажрыйбалуу дарыгерлердин маянасы 80 миңге чейин көтөрүлөт – К.Өскөнбаева

Орточо эсеп менен алганда эң алыскы Чоң-Алай, Нарын, Кара-Кулжа, Алай-Куу райондорунда 15 жылдан кем эмес иштеген тажрыйбалуу дарыгерлерибиздин айлык маянасы 80 миңге чейин көтөрүлөрүн “Кабар”агенттигинин “Элден собол” берүүсүндө Саламаттык сактоо министрлигинин Бюджеттик саясат жана финансылык талдоо башкармалыгынын башчысы Клара Өскөнбаева билдирди. Анын айтымында, азыркы учурда бул дарыгерлер 56-60 миңдин

Түндүк айланма жолунун ар бир тилкесинин туурасы 3,75 метр болот

Бишкектин Түндүк айланып өтүүчү автожолун реконструкциялоо иштери уланып жатат. Транспорт министрлигинин маалыматына ылайык, жолдун жүрүү бөлүгү алты тилкеге чейин кеңейтилет. Ар бир тилкенин туурасы 3,75 метрди түзөт. Курулуш иштери Алматы—Бишкек—Ташкент жана Бишкек—Нарын—Торугарт жол тилкелеринде жүргүзүлүүдө. Долбоорду ишке ашырууга 537 жумушчу жана 243 атайын техника тартылган.

Токойлорду калыбына келтирүүгө 81 млн сом грант алуу келишимине кол коюлду

Бишкекте "Регионалдык жайыт жамааттарынын туруктуулугу" долбоорунун алкагында токойлорду калыбына келтирүүгө багытталган 81 млн сомдук гранттык макулдашууларга кол коюлду. Суу ресурстары, айыл чарба жана кайра иштетүү өнөр жайы министрлигинен билдиришкендей, кол коюуга министрдин орун басары Мирбек Дүйшеев, Токой кызматынын директорунун орун басары Талантбек Садыров жана башка тиешелүү адистер катышты.