Айыл чарба министрлиги 10 миң гектарга жайыт үрөнүн себет
Кыргызстандагы кунарсыз жайыттарды жакшыртуу максатында Россиядан 99.5 тонна жайыт үрөнү сатып алынган. Бул тууралуу Айыл чарба министрлиги билдирди.
Маалыматка ылайык, жайыт үрөнү жалпысынан 10 миң гектар аянтка себүү үчүн облустарга бөлүнүп берилет. Ал эми жайыт үрөндөрүн өзүбүздө өндүрүү үчүн 5 тонна жайыт үрөнү үрөңчүлүк чарбаларга бөлүнүп берилет.
Россиядан жайыт үрөнүн төмөнкү 6 сорту сатып алынды: тимофеевка (кара кыяк), кострец (буудайык), ежа сборная (ак-сокто), райграс, овсянница (бетеге), житняк.
