Депутат жарандарга берилүүчү насыя пайыздарын кайра кароону сунуштады
Финансы, бюджет, ишкердик жана атаандаштыкты өнүктүрүү боюнча комитеттин 16-июндагы жыйынында Улуттук банктын 2025-жылдагы иши жөнүндө отчету каралды. Бул тууралуу парламенттин басма сөз кызматы билдирди.
Жыйында баяндама жасаган Улуттук банктын төрагасынын орун басары Азат Козубеков өлкөнүн 2025-жылдагы акча-кредит саясатынын негизги көрсөткүчтөрүнө токтолду.
Талкуу маалында эл өкүлү Айсаракан Абдибаева Улуттук банктын кирешеси 60 млрд сомго, ал эми коммерциялык банктардын кирешеси 33 млрд сомго жеткенин белгилеп, жарандар үчүн берилүүчү насыялардын пайыздык чендерин кайра карап чыгуу керектигин айтты.
Ага ылайык, депутат аталган маселени талкуулоо үчүн Улуттук банктын, коммерциялык банктардын өкүлдөрүнүн жана башка кызыкдар тараптардын катышуусунда тегерек стол өткөрүүнү сунуштады.
