ЕӨБ жыл аягында Кыргызстанда инфляция 7.1%га жетет деп болжолдоду
Евразия өнүктүрүү банкы жылдын аягында Кыргызстанда керектөө бааларынын 7.1% деңгээлинде өсүшүн болжолдоодо. Мындай маалымат ЭӨБдүн аналитиктеринин жумалык макроэкономикалык баяндамасында айтылат.
ЕӨБдүн эксперттери керектөө бааларынын өсүшүнүн төмөндөшүн өлкөгө сырттан таасир берген баалардын басымынын басаңдашы менен байланыштырат.
Өнүктүрүү институтунун талдоочулары Кыргызстанда быйыл июль айында инфляция 10.3% деңгээлинде басаңдаганын белгилешүүдө. Июнь айында бул көрсөткүч 10.5% деңгээлинде болгон эле.
Ошол эле учурда инфляциянын тезирээк басаңдашына реалдуу эмгек акынын жана керектөө кредиттеринин тез өсүшү менен шартталган күчтүү ички керектөө суроо-талаптары тоскоол болууда. Бирок ЕӨБ жыл башынан бери өлкөдө акча-кредиттик шарттар катаалдагандыгын жана эмгек акынын реалдуу өсүшү төмөндөө тенденциясына ээ экенин белгилейт.
Буга байланыштуу талдоочулар керектөөдөн келип чыгуучу инфляциялык тобокелдиктер инфляциянын динамикасынын кайра өзгөрүшүнө азырынча коркунуч туудурбайт деп эсептешет. Натыйжада, быйылкы жылдын аягында керектөө бааларынын индексинин өсүшү 7.1%ды түзөрү болжолдонууда.
