Бажыда 8.9 млн сомго салыгы төлөнбөгөн товарлар аныкталды
БТЖга товарлардын жеткирилбегендиги жана аларды ээликтен ажыратуу фактылары аныкталды. Дээрлик 9 миллион сом бажы төлөмдөрү төлөнгөн эмес. Бул тууралуу Бажы кызматы билдирди.
Такталгандай, «Түндүк-Чыгыш» бажысынын кызматкерлери товарларды бажылык тариздөөчү жерге жеткирүү боюнча текшерүү иш-чараларынын жүрүшүндө 2023-жылы КРнын резиденттери «Э. Н.» ЖЧК, «С.К.» ЖИнин дарегине «кийим-кече, жашылча-жемиш» сыяктуу товарлар Өзбекстандан, Ирандан жана Түркмөнстандан жөнөтүлгөн. Жолдо Казакстандын бажы постунда бул товарларга 11 транзиттик декларация таризделген.
Бул транзиттик декларацияларга ылайык, бул товарлар жүк ташуучу унааларда ташылып, бажы тариздөөчү жерлерине жеткирилиши керек болчу.
Бирок БТЖга товарлардын жеткирилбегендиги жана тиешелүү бажылык тариздөөсүз товарларды ээликтен ажыратуу фактылары аныкталган. 11 транзиттик декларация боюнча жеткирилбеген товарлардын баасы 127 миң долларын түздү. Товардын жалпы салмагы – 282 тоннаны түзгөн, төлөнбөгөн бажы төлөмдөрүнүн суммасы 8.9 млн сомду түзөт.
