«Кумтөр Голд Компанинин» кызматкерлеринин дээрлик бардыгы – 99.7% Кыргызстандын жарандары. Бул тууралуу ЖКнын отун-энергетика комплекси, жер казынасын пайдалануу жана өнөр жай саясаты боюнча комитетинин жыйынында аталган ишкананын президенти Алмаз Барыктабасов билдирди.

Анын айтымында, ишканада 21 чет элдик адис иштейт. Алар фабрикада жана техникалык тейлөөдө эмгектенишет.

«Жетекчиликте, Бишкек жана Балыкчы шаарларындагы кеңселерде, шахтада бардык жерде кыргызстандыктар», - деди Алмаз Барыктабасов.

Ишкананын президенти министрлер кабинети Кумтөргө жаңы имарат салуу үчүн жер бөлүп бергендигин баса белгиледи.