Экономика

Минкаб тоо-кен өнөр жайы үчүн Dolon программалык камсыздоосун колдонууга даяр

Сапар Акунбеков

Минкаб тоо-кен өнөр жайы үчүн Dolon программалык камсыздоосун колдонууга даяр

Министрлер кабинетинин төрагасы Акылбек Жапаров тоо-кен өнөр жайы үчүн Dolon программалык камсыздоосун иштеп чыгуучу «Долон Системс» компаниясынын өкүлдөрү менен жолукту. Бул тууралуу минкаб билдирди.

Презентацияда белгиленгендей, бул стартап Жогорку технологиялар паркынын резиденти болуп саналат, компаниянын программалык камсыздоосу Борбордук Азия жана Европа өлкөлөрүндө кызыгууну жаратат.

Программалык камсыздоо геологиялык маалыматтарды реалдуу убакыт режиминде түздөн-түз веб-браузерден жүктөөгө, иштеп чыгууга жана анализдөөгө мүмкүндүк берет, бул өндүрүш процесстеринин эффективдүүлүгүн жана натыйжалуулугун жогорулатат. Иштеп чыгуучунун айтымында, Dolon системасы менен 4-5 сааттык адистин жумушун 30 мүнөткө чейин кыскартат.

Акылбек Жапаров долбоор келечектүү жана геологиялык чалгындоо процесстерине оң таасирин тийгизе аларын белгиледи. Ал сейрек кездешүүчү металлдардын реалдуу көлөмүн аныктоо үчүн Борду калдыктарын сактоочу жайда иштөөдө пилоттук долбоор катары программалык жабдууларды колдонууну сунуштады.

Жаңылыктар биздин Телеграмм каналда

Мындан тышкары окуңуз

Бишкек – Балыкчы – Нарын –Торугарт жолу кардан тазаланып, жол ачылды

Бишкек – Балыкчы – Нарын –Торугарт жолу кардан тазаланып, жол ачылды

Бишкек – Балыкчы – Нарын –Торугарт унаа жолунун 470-544 чакырым аралыгы кардан тазаланып, эки тараптуу каттам берилди.  Транспорт жана коммуникациялар министрлигинин маалымат кызматынан белгилешинче, учурда министрликтин кызматкерлери тарабынан атайын техникалар тартылып, жолду кеңейтүү иштери жүрүүдө. Буга чейин Бишкек – Балыкчы – Нарын – Торугарт автожолунун 445-544-чакырымына түндө кар жаап, анын калыңдыгы 25-35 сантиметрге чейин жеткен.
Негизсиз берилбей келген кепилдик төлөмү ишкерге кайтарылды

Негизсиз берилбей келген кепилдик төлөмү ишкерге кайтарылды

Прокурордук текшерүүнүн жыйынтыгында ишкерге тиешелүү болгон кепилдик төлөм кайра кайтарылды. Маалыматка караганда, ишкер акча каражатын кайтарып берүү өтүнүчү менен бир нече жолу мамлекеттик органга кайрылган. Бирок мыйзамдуу негиздер болгонуна карабастан, анын арыздары узак убакыт каралбай келген. Көрүлгөн прокурордук чаралардын негизинде ишкердин укуктары калыбына келтирилип, негизсиз кармалып турган 692 миң 800
Кимдер дары-дармекти арзандатылган баада ала алышат?

Кимдер дары-дармекти арзандатылган баада ала алышат?

Кыргызстанда милдеттүү медициналык камсыздандыруу (ММК) системасында камсыздандырылган жарандар үчүн дары-дармек менен жеңилдетилген камсыздоо программасы иштейт. Бул программа аркылуу айрым дары-дармектерди дарыгердин рецепти менен арзандатылган баада сатып алууга болот. Бул тууралуу Саламаттыкты сактоо министрлигинен маалымдашты. Билдирүүгө караганда, жеңилдиктен пайдалана ала турган жарандардын катарына пенсионерлер, 18 жашка чейинки балдар, күндүзгү бөлүмдө 21
Садыр Жапаров Европа Биримдигинин Борбор Азия боюнча Атайын өкүлү менен жолукту

Садыр Жапаров Европа Биримдигинин Борбор Азия боюнча Атайын өкүлү менен жолукту

Президент Садыр Жапаров 5-июнда, Европа Биримдигинин Борбор Азия боюнча Атайын өкүлү Эдуардс Стипрайсты кабыл алды. Бул тууралуу президенттин расмий баракчасына жарыяланды. Маалыматка ылайык, Мамлекет башчысы Европа Биримдиги менен өз ара аракеттенүү жана “Борбор Азия – Европа Биримдиги” форматында аймактык кызматташууну чыңдоо Кыргызстандын тышкы саясатынын артыкчылыктуу багыттарынын бири болуп саналарын баса белгиледи.