Экономика

ЖКнын комитети 2024-жылга республикалык бюджет жөнүндө мыйзам долбоорун карады

Чынгыз Керимбеков

23 окт. 2023 14:35

Жогорку Кеңештин агрардык саясат, суу ресурстары, экология жана регионалдык өнүктүрүү боюнча комитетинин отурумунда «КРнын 2024-жылга жана 2025–2026-жылдардын пландык мезгилине республикалык бюджети жөнүндө» мыйзам долбоору каралды.

Жыйында баяндама жасаган Финансы министри Алмаз Бакетаев фискалдык саясаттын негизги багыттарына токтолду. Ал белгилегендей, мамлекеттик инвестициялардын гранттарын эске алуу менен мамлекеттик бюджеттин кирешелеринин жалпы көлөмү 2024-жылга 413 млрд сом суммасында же ИДПга карата 32.8% деңгээлинде болжолдонууда. 2025–2026-жылдар мезгилинде мамлекеттик инвестициялардын гранттарын эске алуу менен мамлекеттик бюджеттин кирешелеринин жалпы көлөмү тийиштүү түрдө 461.2 млрд сомду жана 512.8 млрд сомду түзөт.

Бакетаев билдиргендей, Айыл чарба министрлигине 2024-жылы 13 млрд сом бөлүү каралган, бул былтыркы жылга салыштырмалуу 5.1 млрд сомго көп. Ирригация тармагына келерки жылы 1 млрд сом каралса, инвестицияларды тартуу менен суу чарба тармагын жакшыртууга, суу ресурстарына 7.1 млрд сом пландалууда. Ошондой эле, финансы министрлиги 2024-жылы жеңилдетилген айыл чарба багытындагы насыяларга 4 млрд сом пландаган.

Талкууда депутат Алишер Эрбаев социалдык тармакка, жөлөк пул менен пенсияларга келе жаткан жылда каралган каражатарды, ошондой эле тышкы карыздарды төлөөгө багытталган финансыны тактады. Финансы министри жаңы жылда социалдык тармакка жалпы 167 млрд сом, ал эми 67.9 млрд сом каражат мамлекеттик карызды төлөөгө каралганын айтты.

Мындан тышкары окуңуз

БШК депутат Абдылдабек Эгембердиевдин ыйгарым укуктарын мөөнөтүнөн мурда токтотту

Бүгүн, 8-апрелде КРнын Борбордук шайлоо комиссиясынын отурумунда Жогорку Кеңештин депутаты Абдылдабек Жолдошалиевич Эгембердиевдин ыйгарым укуктарын мөөнөтүнөн мурда токтотуу тууралуу чечими кабыл алынды. БШКнын маалыматына ылайык, депутаттын ыйгарым укуктары анын жеке арызынын негизинде токтотулуп, анын депутаттык ырастамасы жараксыз деп табылды. Эскерте кетсек, Абдылдабек Эгембердиев Жогорку Кеңешке №19 көп мандаттуу шайлоо округунан

Өлкөгө миллиондогон инвестиция тартып, SoftBank, Google жана Y Combinator'ду багындырган кыргызстандыктар

Глобалдык жана регионалдык деңгээлде азыркы мезгил стартаптарды түзүү жана венчурдук инвестицияларды өнүктүрүү үчүн эң ыңгайлуу учурлардын бири болуп саналарын ЦАРЭС технологиялык форумунда Кыргызстандагы стартап-акселератордун башкы директору Даниэль Абдылдаев билдирди. Ал фаундерлерди үч топко бөлдү: борбордук азиялыктар, гибриддер жана юникорндар. Кыргызстандык Эркин Адылов дүйнөдөгү эң ири венчурдук фонддордун бири SoftBank Vision

“Ала-Тоо Резортко” баруучу жол быйыл пайдаланууга берилет

Ысык-Көл облусунун Ак-Суу районунда жайгашкан “Ала-Тоо Резорт” тоо-лыжа курортуна алып баруучу жолдун курулуш иштери жанданды. Бул тууралуу Транспорт жана коммуникациялар министрлигинин маалымат кызматы Жыргалаң айылында кыш мезгили 7 айга чейин созулгандыктан, аба ырайынын жылышы менен жол куруу сезону башталып, учурда активдүү иштер жүрүп жатат. Тактап айтканда, Жыргалаң айылынан курортко чейинки

Маркировкасы жок 22 тонна картошка Кыргызстанга киргизилген жок

7-апрелде Чүй-Бишкек аймактык башкармалыгына караштуу “Ак-тилек автожолу” фитосанитардык текшерүү постунда Казакстан Республикасынан импорттолуп келген 22 тонна картошка продукциясы текшерүүдөн өткөрүлдү. Бул тууралуу Айыл чарба министрлигинен билдиришти. Фитосанитардык көзөмөлдүн жүрүшүндө продукциянын таңгагында талапка ылайык маркировкасы жок экендиги аныкталды. Евразия экономикалык комиссиясынын Кеңешинин 2016-жылдын 30-ноябрындагы №157 чечимине ылайык, карантинге алынган продукциянын ар