Экономика

Жогорку Кеңештин комитети Соцфонддун бюджетин колдоду

Чынгыз Керимбеков

19 дек. 2023 09:29

2023-жылдын 18-декабрында Жогорку Кеңештин бюджет, экономикалык жана фискалдык саясат боюнча комитетинин отурумунда “КРнын Социалдык фондунун 2023-жылга жана 2024-2025-жылдардын пландык мезгилине бюджети жөнүндө” КРнын мыйзамына өзгөртүүлөрдү киргизүү тууралуу” жана “КРнын Социалдык фондунун 2024-жылга жана 2025-2026-жылдардын пландык мезгилине бюджети жөнүндө” мыйзам долбоорлору экинчи жана үчүнчү окууда каралып, колдоого ээ болду.

ЖКнын маалымат кызматы билдиргендей, талкуунун жүрүшүндө депутат Карим Ханджеза камсыздандыруу төгүмдөрүнүн түшүүсүнө, республикадагы пенсия системасын реформалоого көңүл бурду.

Ал эми депутат Таалайбек Сарыбашов имараттарды Социалдык фондго ижарага берүү маселесин көтөрүп: "Социалдык фондду өнүктүрүүгө каражат максаттуу жумшалышы кажет, аны ордуна силер эмгек акыны көтөрүп алдыңар", - деди Таалайбек Сарыбашов.

Соцфонддун төрагасы Бактияр Алиев Социалдык фонддун 4 бөлүмү ижарага алынган жайларды жайгашканын маалымдап, фонддун иши Министрлер кабинетинин токтомдорунун негизинде жөнгө салынарын кошумчалады.

Ошондой эле депутат Камила Талиева 2023-жылы пенсиянын камсыздандыруу бөлүгү 38% көбөйгөнүн белгилеп, ошол эле учурда «Баатыр эне» ордени менен сыйланган энелердин үстөк акысын 2 миң сомдон 5 миң сомго көтөрүүнү сунуштады.

Андан тышкары, эл өкүлү Эмиль Токтошев пенсияны жогорулатуу маселесине токтолуп, 2024-жылы бул максатка белгиленген өлчөмдө каражат бөлүп берүү маселесин ортого салды. Муну менен катар бийик тоолуу, алыскы жана барууга кыйын аймактарда жашаган жана иштеген жарандар үчүн тиешелүү коэффициенттерди белгилөө керектигин айтты.

Мындан тышкары окуңуз

D Billions командасына маданият, маалымат жана жаштар саясаты министри тарабынан сыйланды

Маданият, маалымат жана жаштар саясаты министри Мирбек Мамбеталиев Кыргызстандын креативдүү индустриясын өнүктүрүүгө кошкон салымы үчүн D Billions креативдүү командасынын катышуучуларына сыйлыктарды тапшырганын министрликтин басма сөз кызматы билдирди. Сыйлык тапшыруу учурунда министр команда мүчөлөрү менен баарлашып, алардын чыгармачылык ишмердүүлүгүнө жогору баа берип, мындан аркы иштерине ийгиликтерди каалады. D Billions — балдар үчүн

В.Путин экономикалык кырдаал туруктуу экенин түз эфирде билдирди

2025-жылдагы Россия президенти В.Путин менен түз байланыш 4 саат 27 мүнөткө созулуп, ал ЖМК тарабынан берилген 76 суроого жооп берүүгө жетишти. Анын жүрүшүндө, адаттагыдай эле баалардын деңгээли, салык системасындагы өзгөрүүлөр, чакан жана орто бизнести колдоо, жалпы экономика, “Владимир Путин менен жылдын жыйынтыгы” аттуу түз байланыштын негизги темасынын бири болду.

ЕӨБ: Кыргызстандын ИДӨсү 2026-жылы 9,3% деңгээлинде болот

2025-жылдын январь–ноябрь айларында Кыргызстандын ички дүң өнүмү (ИДӨ) өткөн жылдын ушул эле мезгилине салыштырмалуу 10,2%га өскөнү Евразия өнүктүрүү банкынын (ЕӨБ) материалдарында айтылат. ЕӨБдүн маалыматына ылайык, Кыргызстанда күчтүү инвестициялык жана керектөөчү суроо-талап экономиканын өсүшүнүн негизги таянычы бойдон калган. "Негизги капиталга инвестициялар жылдык эсеп менен 18,1%га,

Өткөн аптада жол эрежесин бузуу боюнча 20 295 факты катталды

15-декабрдан 21-декабрга чейин алдын ала маалымат боюнча, 20 295 жол эрежесин бузуу фактылары аныкталды. Бул тууралуу Жол кыймылынын коопсуздугун камсыздоо башкы башкармалыгынан билдиришти. Анын ичинен: * тийиштүү документтери жок унаа башкаруу – 1 558; * мас абалында унаа башкаруу – 424; * унаанын терезелерин мыйзамсыз караңгылатуу – 135; * жөө жүргүнчүлөр катышкан жол эреже бузуулар – 565; * унааны