Экономика

Жогорку Кеңеш Соцфонддун бюджетин кабыл алды

Чынгыз Керимбеков

21 дек. 2023 15:30

Жогорку Кеңештин жыйынында “КРнын Социалдык фондунун 2023-жылга жана 2025-2026-жылдардын пландык мезгилине бюджети жөнүндө” мыйзамын карап колдоп берди. Бул тууралуу парламенттин маалымат кызматы билдирди.

Бул багытта маалыматтар менен бюджет, экономикалык жана фискалдык саясат боюнча комитетинин төрагасы Данияр Толонов тааныштырды.

Талкуунун жүрүшүндө депутат Сүйүнбек Өмүрзаков жарандардын пенсиянын топтомо бөлүгүн колдонуу боюнча эрежелерди тактады. Депутат Чолпон Султанбекова 2024-жылга пенсияны көтөрүү боюнча пландарды сурап, жыл жыйынтыгы менен үнөмдөлгөн каражаттардын эсебинен пенсионерлерге бир жолу кошумча каражат (сый акы) берүү маселесине көңүл бурду. Депутат Бактыбек Чойбеков каза болгон учурда пенсионердин сөөгүн коюуга берилүүчү жөлөк пулдун суммасын жана каражат кандай негизде берилерин тактады.

Депутат Нилуфар Алимжанова 2024-жылы эмгекчилердин ден соолугун чыңдоо фондуна берилген каражаттарды сурап: “Президент тарабынан буга мараторий киргизилген, бирок ага карабай 2024-жылы элдин акчасынан жолдонмолор үчүн каражат бөлүп жатасыздар. Бул эмнелерге коротулат, элге так маалымат берип койгула?”,- деди Н.Алимжанова.

Социалдык фонддун төрагасы Бактияр Алиев 2024-жылы чогулуучу 529 млн сом ден соолукту чыңдоо жайларын оңдоого багытталарын билдирди.

Депутат Миргүл Темирбаева Лейлек районунда карылар почта аркылуу пенсия акыларын алып жаткан маселесин көтөрүп, аларды банктык тейлөөгө өткөрүү сунушун айтты. Депутат Шайлообек Атазов социалдык фондго кесиптик кошуундарга деп чегерилүүчү каражаттардын кайсыл багытка колдонушулуна кызыкты. Ага жооп берген Министрлер кабинетинин төрагасынын орун басары Эдиль Байсалов алдыдагы 5 жылда бул каражаттар пансионаттарды ондоого жумшаларын билдирди. Депутат Алишер Козуев укук коргоо жана аскер кызматкерлеринин пенсиясын көтөрүү маселесине көңүл бурду.

Мындан тышкары окуңуз

Кыргызстанда 90 380 жаңы "Алиппе" таратылат

1 -класстарга Алиппе окуу китеби басылып чыкканын Агартуу министрлигинен билдиришти. Маалыматка ылайык, аталган министрликтин жана Окуу китеби мамлекеттик мекемесинин өкүлдөрү даярдалган Алиппе окуу китептерин кабыл алышты. Окуу китептери “Учкун” басмаканасында басылып чыгып, мектептерде окутуу кыргыз тилинде жүргүзүлгөн класстар үчүн атайын каралган. Жалпы 90 миң 380 нускада Алиппе өлкөнүн бардык аймактарындагы

2025-жылы Кыргызстанда 1545 км жол оңдолуп, курулган

17-апрелде Министрлер Кабинетинин төрагасынын орун басары – Суу ресурстары, айыл чарба жана кайра иштетүү өнөр жайы министри Эрлист Акунбековдун жетекчилиги алдында Транспорт жана коммуникациялар министрлигинин 2025-жылда аткарган иштери жана 2026-жылга карата аткарылуучу иш пландары каралган жыйын болуп өттү. Бул тууралуу министрлер кабинетинен кабарлашты. Маалыматка ылайык, отурумда алгач министрликтин жалпы ишмердүүлүгү, өлкө

Бакудагы Алят портунда миңдеген жүк ташуучу унаалар топтолуп турат

Бакудагы Алят эл аралык портунда Борбор Азияга жүк тартып келаткан миңдеген фура жыла албай турганы эл аралык маалымат булактары жарыялады. Жакынкы Чыгышта согуштан улам Иран кошуна өлкөлөрү менен чек араларын жапкан. Ошол себептен Азербайжан-Түркмөнстан паром маршруту аймакка Түркия жана Европадан товар ташуунун жападан жалгыз жолу болуп калган. Тажикстандык айрым ишкерлер

Бишкекте жол тыгындарын азайтуу үчүн кыска автобус маршруттары киргизилет

Бишкек шаарында жаңы кыска автобус маршруттары киргизилип, жүргүнчүлөргө айрым учурда бир нече транспортко отуруп барууга туура келерин шаар мэри Айбек Джунушалиев билдирди. Анын айтымында, мурда шаардагы тыгындарды жана экологиялык көйгөйлөрдү азайтуу максатында 4 миңге жакын микроавтобус каттамдан алынган. Учурда Бишкекте 1200гө жакын электробус жана газ менен жүргөн автобустар иштеп жатат.