Экономика

Акылбек Жапаров Эл аралык каржы корпорациясынын аймактык вице-президенти Хела Шейхроуху менен жолугушту

Ишкер Media

30 апр. 2024 11:14

Министрлер кабинетинин төрагасы Акылбек Жапаров Кыргызстанга биринчи жолу иш сапары менен келген Эл аралык финансы корпорациясынын (IFC) Жакынкы Чыгыш, Борбордук Азия, Түркия, Афганистан жана Пакистан боюнча аймактык вице-президенти Хела Шейхроуху менен жолугушту.

Минкаб башчысы IFC менен биргеликте ишке ашырылып жаткан долбоорлор өлкөнүн экономикасына олуттуу оң таасирин тийгизип жатканын баса белгиледи.

Тараптар 2024-жылдын биринчи чейрегинде экономикасы болуп көрбөгөндөй 8,8% өскөн Борбордук Азиядагы жана Кыргызстандын экономикалык абалын талкуулашты. Мындай көрсөткүчтөргө КР министрлер кабинетинин салыктык башкарууну жакшыртуу жана санариптик технологияларды киргизүү жана акча-кредит саясатынын инструменттеринин кеңири спектрин колдонуу боюнча жигердүү ишинин аркасында жетишилгени белгиленди.

Талкуунун маанилүү темасы Камбар-Ата ГЭС-1 курулуш долбоорун ишке ашыруу болду,

«Бул станциянын эффективдүү иштеши Токтогул суу сактагычынын суу ресурстарын жайкы мезгилде топтоп, Өзбекстан менен Казакстандын сугат суусуна болгон муктаждыгын канааттандыруу үчүн сарамжалдуу пайдаланууга мүмкүндүк берет.

Бир жагынан глобалдык климаттык чакырыктарды, экинчи жагынан өлкөнүн финансылык мүмкүнчүлүктөрүн эске алуу менен Кыргыз Республикасы жеке жана мамлекеттик секторлор үчүн тобокелдиктерди азайтуу үчүн жеке капиталды мобилизациялоо жана консультациялык кызматтарды көрсөтүү боюнча IFC саясатын кубаттайт», – деди Акылбек Жапаров.

Эл аралык финансы корпорациясынын (IFC) Жакынкы Чыгыш, Борбордук Азия, Түркия, Афганистан жана Пакистан боюнча аймактык вице-президенти Хела Шейхроуху өз кезегинде өлкө үчүн энергетика жана жеке секторду колдоо сыяктуу артыкчылыктуу багыттар боюнча кызматташууну тереңдетүүнүн маанилүүлүгүн белгиледи. Ал ошондой эле уюмдун Кыргызстанда кеңсесин ачуу боюнча келишимге кол коюлганы үчүн ыраазычылык билдирди.

Мындан тышкары окуңуз

"Манас" эл аралык аэропортунда 5 кабаттуу унаа токтотуучу жай курулуп жатат

"Манас" эл аралык аэропортунда көп деңгээлдүү унаа токтотуучу жайдын курулушу уланып жатканын "Кыргызстан аэропорттору" ААК башкармалыгынын башчысы Манасбек Самидинов социалдык тармактагы баракчасына жазды. Анын айтымында, бул аэропортту реконструкциялоо боюнча жалпы стратегиянын маанилүү бөлүгү болуп саналат. "Биз жүргүнчүлөр үчүн заманбап жана ыңгайлуу инфраструктура түзүп жатабыз. Унаа

Бишкекте 8 автобус каттамынын кыймыл - чиймеси убактылуу өзгөртүлдү

Бишкек шаарында Дэн Сяопин проспектисинин түштүк тарабы оңдоо иштерине байланыштуу жабылгандыктан, 8 автобус каттамынын кыймыл чиймеси убактылуу өзгөртүлдү. Бул тууралуу муниципалитеттен билдиришти. Тактап айтканда, №17, №32, №42, №145, №212, №215, №254 жана №14т каттамдары убактылуу Профсоюз көчөсү аркылуу жүрүшөт. Эске салсак, Дэн Сяопин проспектисинин Интергельпо көчөсү менен Кайназарова көчөсүнүн ортосундагы

Бишкекте бийик имараттарды курууда жаңы технологиялар колдонулууда

Жер титирөөгө туруктуу курулуш жана инженердик долбоорлоо мамлекеттик институтунун директору Канат Канболотов адистер менен бирге Бишкектеги көп кабаттуу курулуш объектилеринде колдонулуп жаткан технологиялар менен таанышты. Бул тууралуу Курулуш министрлигинен билдиришти. Алар курулуштун жүрүшүн, инженердик чечимдерди жана техникалык коопсуздук чараларын карашты. Бийик имараттарда вертикалдык көтөрүүчү элементтер үчүн болот-темирбетон (курамдуу) конструкцияларын колдонуу

Электр энергиясынын жоготуулары 5-10%га төмөндөдү

Жогорку Кеңештин финансы, бюджет, ишкердик жана атаандаштыкты өнүктүрүү боюнча комитетинин жыйынында депутат Дастан Бекешев Кыргызстандын Борбор Азиянын энергошакекчесине катышуусу тууралуу маселени көтөрдү. Ал буга чейин өлкөнүн энергошакекчеден чыгуу мүмкүнчүлүгү талкууланганын эске салды. Энергетика министринин орун басары Насипбек Керимов маалымдагандай, энергошакекче ишин улантууда жана учурда андан чыгуу маселеси карала элек. "