БШК: Парламенттик шайлоого 700 млн сом сарпталат
Быйыл 30-ноябрда өтө турган мөөнөтүнөн мурда Жогорку Кеңештин шайлоосу үчүн жалпы 700 млн сом сарпталат. Бул тууралуу Борбордук шайлоо комиссиясы (БШК) маалымдады.
Анын ичинен:
БШКнын чыгымдары – 382,8 млн сом. Бул каражат шайлоо участкелерин жабдуу, материалдарды сатып алуу, окутуу, маалыматтарды даярдоо, иш сапарлар жана сый акы төлөөгө кетет.
Аймактык шайлоо комиссияларынын чыгымдары – 259,2 млн сом. Бул сумма мүчөлөргө жана техникалык операторлорго сый акы, транспорт жана иш сапар чыгымдарын камсыздайт.
Чет өлкөлөрдөгү шайлоо – 58 млн сом. Бул каражат чет мамлекеттерде добуш берүү процессин уюштурууга багытталат.
Шайлоого жалпысынан 29 миңден ашык адам тартылат. Алардын ичинде участкалык жана аймактык комиссиялардын мүчөлөрү, техникалык жабдуулар менен иштеген операторлор жана колдоо персоналы бар.
