Кыргызстан тышкы соода жүгүртүүсүндө кандай жылыштар бар?
Бишкекте Кыргызстандын агроөнөр жай комплексинин кызматкерлеринин күнүнө карата салтанаттуу иш-чарада МинКаб төрагасы А.Касымалиев Тышкы соодада үчүнчү өлкөлөр менен товар жүгүртүү 5,7 млрд долларды түзүп, Өзбекстан менен болгон соода карым-катнашыбыз январь-июль айларынын жыйынтыгы менен 20%га көбөйгөнүнө токтолду.
“Мындан тышкары биздин товарларга Түштүк Корея, Бириккен Араб Эмираттарынын кызыгуусу өстү. Корея менен болгон экспорт 14%га көбөйсө, ал эми Эмираттар менен болгон экспорт 17%га өстү”, — деди ал.
“Ички азык-түлүк коопсуздук камсыздалмайынча элди багуу кыйын. Азыр Кыргызстан эң зарыл 9 азыктын алтоосу менен өзүн өзү камсыздай алат. Биз ЕЭКтин өкүлдөрү менен жолукканда дайыма өлкөлүк долбоорлорду жылдырууга аракет жасайбыз. Анткени өзүн-өзү камсыздоо жагынан Казакстан 87%, Кыргызстан 74%, Армения 67%ды түзөт”, — деди ал.
Мындан тышкары А.Касымалиев, 2025-жылы 28 ишкана ишке кирип, жыл аягына чейин дагы 35 жаңы ишкана ишке кирээри да айтты.
