Кытай компаниясы «Asman City» долбоорун ишке ашырууда кызматташат
Кытай мамлекетинин China Construction Company компаниясы Ысык-Кол облусундагы «Asman City» долбоорун ишке ашырууда кызматташуу ниетин билдиргенин Инвестиция боюнча улуттук агенттиги билдирди.
Мекеме билдиргендей Пекинде Инвестиция боюнча агенттиктин, Экологиялык таза Асман шаарын куруу боюнча мамлекеттик дирекциянын жана China Construction Company компаниясынын ортосунда кызматташуу боюнча меморандумга кол коюлду.
Аталган документ инвестициялык, инфраструктуралык жана курулуш долбоорлору чөйросүндөгү кызматташууларды өнүктүрүүгө, ошондой эле долбоорду ишке ашыруу үчүн заманбап технологиялар менен чет өлкөлүк инвестицияларды тартууга багытталган. Сүйлөшүүлөр убагында тараптар кызматташуу келечегин жана «Asman City» долбоорун инвестициялоонун мүмкүн болгон багыттарын талкуулашкан.
Эске салсак, 2013-жылы президент Садыр Жапаров 500-700 миң жашоочуга эсептелген бул экологиялык таза шаардын курулушуна капсула салган. Бирок, эл аралык өнөктөштөр долбоорго өзгөртүү киргизүүнү сунуштагандыктан концепцияны кайра иштетүү үчүн убакыт талап кылынып долбоорду ишке ашыруу убактылуу токтотулган.
