Кыргызстан балы IV Эл аралык бал фестивалында жогору бааланды
Кыргызстандык балчылары Наманган шаарында 24–26-октябрь күндөрү өткөн IV Эл аралык бал фестивалына катышып, аларды алып барган продукциялары жергиликтүү тургундардын, фестиваль катышуучуларынын мактоосуна арзыганын “Кабар” мааымат агенттиги жазды.
Жалал-Абад облусунун Токтогул районунан келген балчылар экологиялык таза тоо балынын жана аарычылык продукцияларынын түрлөрүн көрсөтүштү.
Наманган облусунун хокимиятынын маалыматына ылайык, Кыргызстандын балына болгон кызыгуу жогору болуп, керектөөчүлөр арасында чоң суроо-талап жаралган. Фестивалдын алкагында илимий-практикалык конференциялар, спорттук мелдештер, кол өнөрчүлөрдүн көргөзмөлөрү жана концерттик программалар уюштурулду.
Быйылкы иш-чарага 150дөн ашуун жергиликтүү жана чет элдик бал аарычылар катышып, фестивалды 2,5 миңге жакын чет элдик жана 10 миңге чейин жергиликтүү туристтер көрүштү.
