Былтыр Баткенде жол эрежесин бузгандардан 66,5 млн сом айып пул өндүрүлгөн
Жыл башынан бери Баткен облусунда 50 миң 909 жол эрежесин бузуу фактысы аныкталганын Жол кыймылынын коопсуздугун камсыздоо башкы башкармалыгынан билдиришти.
Анын ичинде:
- мас абалында унаа башкарган — 1108 айдоочу;
- ылдамдыкты ашырып айдаган — 7798 айдоочу;
- терезелерин мыйзамсыз караңгылаткан — 268 айдоочу;
- тийиштүү документтери жок унаа башкарган — 1824 айдоочу;
- автоээнбаштык кылган — 63 айдоочу;
- жол белгилерине баш ийбеген — 14 063 айдоочу.
Ошондой эле ар кандай жол эрежелерин бузгандыгы үчүн 6200 унаа убактылуу айып короого токтотулган. Ал эми аталган мыйзам бузуулардан мамлекеттик бюджетке 66 млн 517 миң 670 сом айып пул өндүрүлгөн.
