Электрондук коммерция аркылуу товар жүгүртүү көлөмү быйыл 428 млн долларга жетти
Кыргызстанда электрондук коммерция тездик менен өсүп, өлкөнүн чекене товар жүгүртүүсүнүн 14 пайыздан ашыгын ээлеп калганын Электрондук коммерция ассоциациясынын президенти Айбек Күрөңкеев "Биринчи радионун" эфиринде билдирди.
Анын айтымында, өткөн жылы Кыргызстандагы көлөм болжол менен 428 млн долларды түзгөн жана быйыл болжол менен 525 млн долларды түзөт. Бул импортту жана экспортту кошпогондогу ички рынок көлөмү.
“Чындыгында, электрондук коммерция Кыргызстанда көпчүлүктүн оозунда. Бул түшүнүк 2021-жылы Экономика жана коммерция министрлиги жана биздин ассоциация тарабынан биргеликте иштелип чыккан Электрондук соода жөнүндөгү мыйзам менен киргизилген. Электрондук коммерция – бул товарларды жана кызматтарды маалыматтык-коммуникациялык каражаттар аркылуу аралыктан сатуу жана аралыктан нак эмес жол менен төлөө. Башкача айтканда, алыстан сатып алынган жана төлөнгөн нерселердин бардыгы”, — дейт Күрөңкеев.
Ал электрондук коммерция товарларды сатууну гана эмес, кызмат көрсөтүүнү да камтый турганын баса белгиледи. Бул өзгөчө Кыргызстан үчүн маанилүү, анткени экономиканын олуттуу бөлүгүн чакан жана орто бизнес, ошондой эле соода жана кызмат көрсөтүү чөйрөсү түзөт.
