Балыкчы шаарын өнүктүрүүгө 1 млрд 500 миң сом бөлүнөт
Балыкчы шаарын өнүктүрүү үчүн 1 млрд 500 миң сом бөлүнөрүн УКМК башчысы Камчыбек Ташиев Балыкчыга болгон иш сапарында билдирди.
Бул каражат Турукташтыруу фонудунан бөлүнөт. “Президент Балыкчы шаарын мындан ары да комплекстүү өнүктүрүү үчүн чоң финансы каралышы керектигин баса белгилеген. Кечээ шаарга 500 млн сом бөлүү чечимин чыгарды. Кийинки аптада ал акча келип түшөт. Жергиликтүү органдар иштеп башташат. Бул биринчи этаптагы негизги жардам”,-дейт ал.
"Экинчи этаптагы жардам боюнча Президент тапшырма коюп кетти. Буюрса март айына дагы 1 млрд сом акча бөлүнө турган болду. Мындай Балыкчы шаарында эч качан болгон эмес”,-дейт УКМК жетекчиси.
