КР менен Армениянын улуттук төлөм системалары кызматташуу меморандумуна кол коюшту
Кыргызстан менен Армениянын улуттук төлөм системалары стратегиялык кызматташуу жөнүндө меморандумга кол коюшту. Меморандум 11-12-ноябрда Ереванда өткөн PLUS Forum: FinnoWayArmenia форумунун алкагында түзүлдү.
Бул меморандум ыңгайлуу, тезирээк жана коопсуз транс чек аралык төлөм каналдарын камсыз кылып, ЕАЭБнын алкагында төлөм интеграциясын күчөтөт.
“БАПБ” ЖАКтын Башкарма төрагасы Алтымыш Туратбековдун айтымында Arca менен меморандумга кол коюу – Кыргызстандын улуттук төлөм системасын өнүктүрүүдөгү маанилүү этап болуп саналат.
“Биз “Элкарттын” колдонуучулары өлкө ичинде гана эмес, анын чегинде да заманбап жана ыңгайлуу кызмат көрсөтүүлөрдү алсын деп умтулабыз. Бул кызматташуу транс чек аралык төлөмдөрдүн туруктуу өсүшү, экономикалык байланыштарды чыңдоо, ЕАЭБнын алкагында бирдиктүү төлөм мейкиндигин өнүктүрүү үчүн негиз түзөт”- деп билдирди Туратбеков.
