Дональд Трамп айрым товарлардын бажы салыгын азайткан жарлыккка кол койду
АКШ президенти азык-түлүк бааларын кармоо максатында айыл чарба продукцияларынын айрым түрлөрүнө бажы салыгын төмөндөткөн жарлыкка кол койду. Жарлыктагы тизмеге кофе, чай, какао, тамак-аш татымдары, уй эти, помидор, банан, апельсин жана башкалар киргенин CNN агенттиги жазды.
Жарлык товарларды бажы салыгынан толук бошотпойт. Мисалы, томат боюнча АКШнын негизги жеткирүүчүсү болгон Мексиканын томаттарынан мурдагыдай 17% бажы салыгы алынат. Бул ставка 30 жылдык соода келишиминин мөөнөтү бүткөндө, 2025-жылдын июль айында күчүнө кирген.
Белгилей кетсек, баалар Трамп кызматына киришип, бажы салыктарын кигизгенден кийин жана ички сунуштардын жеткиликтүү көлөмдө болбогонунан улам өсүп кеткен. Алсак, АКШга ири кофе жеткирүүчү болгон Бразилия августта 50%дык бажы салыгына туш болуп, а сентябрда америкалык колдонуучулар кофеге мурдагыдан 20%га көп төлөй башташкан.
