Үч өлкөдөн келген делегация Кыргызстанга эки экологиялык долбоорду сунуштады
Инвестициялар боюнча улуттук агенттиктин директору Равшанбек Сабиров "Кыргыз жашыл инфраструктура фонду" коомдук фондунун президенти Южел Акдениз башында турган Нидерланддар, Түркия жана АКШдан келген делегация менен жолугушканын “Кабар” жазды.
Маалыматта делегация Кыргызстандагы заманбап жана экологиялык өндүрүштүк кубаттуулуктарды өнүктүрүүгө багытталган эки инвестициялык долбоорду сунуштаганы айтылат.
Биринчи долбоор Балыкчы шаарында күн электр станциясын куруу боюнча болсо, экинчи долбоор Нидерланддардын Van der Hoeven компаниясына таандык жогорку технологиялуу фабрика–күнөсканасын түзүүнү көздөйт. Ал алдыңкы агротехнологияларды киргизүүнү жана өлкөнүн экспорттук потенциалын өнүктүрүүнү камтыйт.
