Экономика

Кыргыз-япон кызматташтыгы: кош салыкты жоюу жана инвестицияларды арттыруу макулдашылды

Ишкер Media

22 дек. 2025 15:15

18-20-декабрда Кыргыз Республикасынын Экономика жана коммерция министри Бакыт Сыдыков Японияга болгон жумушчу сапарынын алкагында "Борбордук Азия + Япония" диалогунун биринчи саммитине жана бизнес-форумуна катышты. Сапардын негизги максаты — кыргыз-япон салыктык кызматташтыкты бекемдөө жана инвестициялык мүмкүнчүлүктөрдү кеңейтүү болду.

Экономика жана коммерция министрлигинен билдиришкендей, сапардын жүрүшүндө министр Бакыт Сыдыков жана Япониянын тышкы иштер министри Тосимицу Мотэги Кыргызстан менен Япониянын ортосунда киреше салыгына кош салык салууну жоюу жана салыктан качуунун алдын алуу жөнүндө макулдашууга кол коюшту. Бул макулдашуу өлкөлөрдүн ортосундагы салыктык мамилелерди жөнгө салат, ар бир мамлекетке кирешенин айрым түрүнө салык салуу укугун бекитет жана кош салык салууну жоюу боюнча кепилдиктерди камсыз кылат.

Андан тышкары, макулдашуу сооданын көлөмүн көбөйтүү жана Кыргызстанга түз инвестицияларды тартуу үчүн шарттарды түзөт.

"Борбордук Азия + Япония" бизнес-форумунда министр Бакыт Сыдыков жана Япониянын тышкы сооданы өнүктүрүү уюмунун (ДЖЕТРО) төрагасы Ишигуро Норихико Кыргызстандын Экспортту өнүктүрүү жана илгерилетүү борбору ("Кыргыз Экспорт") менен ДЖЕТРО ортосундагы кызматташтыкты күчөтүү боюнча иш-аракеттер планын талкуулашты. Бул документ 2024-жылдын 10-августунда Астана шаарында кол коюлган меморандумду ишке ашырууга багытталган.

Мындан тышкары, сапардын алкагында тараптар Кыргызстан менен Япониянын ортосунда соода, экономика, маданият жана адам ресурстарын алмашуу боюнча өкмөттөр аралык комиссия түзүү тууралуу макулдашышты.

Мындан тышкары окуңуз

Ош облусунда мыйзамсыз аңчылык кылгандарга 156 миң сом айып салынды

Ош облусунун Ноокат, Өзгөн жана Алай райондорунда мыйзамсыз аңчылык кылган жарандарга жалпы 156 миң сом айып пул салынды. Бул тууралуу NABU Кыргызстан уюму маалымдады. Маалыматка ылайык, мыйзам бузуулар 18-22-декабрь күндөрү өткөрүлгөн пландан тышкаркы рейддин жүрүшүндө аныкталган. Рейд NABU Кыргызстан уюмунун "Барс-2" ыкчам тобу жана Жаратылыш министрлигине караштуу Ош

Салык кызматы 11 айда 19,4 млрд сомдон ашык акциз салыгын чогултту

Үстүбүздөгү жылдын январь–ноябрь айларында Мамлекеттик салык кызматы өлкөдө өндүрүлгөн жана ЕАЭБге мүчө мамлекеттерден алынып келинген товарлардан бюджетке 19 млрд 493,06 млн сом акциз салыгынын түшүүсүн камсыз кылды. Салык кызматынын маалыматына ылайык, акциз салыгын чогултуу көрсөткүчтөрү 2024-жылдын ушул мезгилине салыштырмалуу 3 млрд 1,7 млн сомго же 17,3%

180 миң доллар пара менен ИИМ кызматкери жана анын шериги кармалды

Бишкекте 90 миң доллар пара алган 2 адам кармалганын жана алардын бири ИИМ кызматкери экенин УКМК "Кабар" агенттигине билдирген. 14-декабрда Кыргызстандын укук коргоо системасындагы коррупцияны жоюу боюнча көрүлүп жаткан иш-чаралардын натыйжасында атайын кызмат тарабынан 90 миң доллар накталай акча алып жаткан жеринен Кыргызстандын жараны Ж.К.Т. кармалган.

Жогорку Кеңештин бюджет боюнча комитетинде кимдер бар?

2025-жылдын 17-декабрында Жогорку Кеңештин жыйынында финансы, бюджет, ишкердик жана атаандаштыкты өнүктүрүү боюнча комитеттин төрагасы шайланган. Бул кызматка "Элдик" депутаттык тобу тарабынан сунушталган депутат Алтынбек Кудайбердиев бекитилгени маалым болду. Кийин парламент комитет төрагасынын орун басарларын да бекитти. Алар: * Жумабек Салымбеков, * Камила Талиева, * Жаныбек Абиров. Комитеттин курамына төмөнкү депутаттар кирди: