"Соң-Көл балык чарбасы" 3 көлгө 1 млн 800 миң чабак кое берди
2026-жылдын 8–9-апрель күндөрү “Соң-Көл балык чарбасы” мамлекеттик ишканасы тарабынан май-канат (сиг-лудога) балыгынын жалпы 1 миллион 800 миң даана чабактарын коё берүү иш-чарасы өткөрүлдү.
Бул балыктандыруу иш-чарасы Суу ресурстары, айыл чарба жана кайра иштетүү өнөр жайы министрлигине караштуу Балык өнөр жайы комплекси департаментинин 2025–2026-жылдарга карата бекитилген планынын негизинде өткөрүлдү.
Иш-чаранын алкагында “Соң-Көл балык чарбасы” мамлекеттик ишканасынын кызматкерлери тарабынан жана Балык өнөр жайы комплекси департаментинин штаттан тышкары кызматкерлеринин катышуусунда май-канат (сиг-лудога) балыгынын чабактары төмөнкү көлдөргө коё берилди:
• Соң-Көл көлүнө 800 миң даана,
• Чоң Ара-Көл көлүнө 500 миң даана,
• Кичи Ара-Көл көлүнө 500 миң даана.
Иш-чара көлдөрдөгү балык запастарын көбөйтүүгө, биологиялык тең салмактуулукту сактоого жана балык чарбасын туруктуу өнүктүрүүгө багытталган.
