Экономика

Президенттин Иш башкармалыгына караштуу уюмдардын кирешеси быйыл 14 млрд 138 млн сом болду

Ишкер Media

22 дек. 2025 15:44

Президенттин Иш башкармалыгында өткөн аппараттык жыйында 2025-жылдын жыйынтыктары чыгарылып, ведомстволук уюмдардын кирешелеринин көрсөткүчтөрү каралды. 2020-2025-жылдар аралыгында ведомстволук уюмдардын кирешеси жыл сайын туруктуу өсүп келген.

Тактап айтканда:

2020-жылы — 479,2 миң сом;
2021-жылы — 770,9 миң сом;
2022-жылы — 1 млн 249,0 миң сом;
2023-жылы — 5 млрд 296,7 млн сом,
2024-жылы — 8 млрд 334,7 млн сом;
2025-жылдын жыйынтыгы боюнча киреше 14 млрд 138,9 млн сомду түздү.

Натыйжада 2025-жылга бекитилген 11 млрд сом өлчөмүндөгү пландык көрсөткүч ашыгы менен аткарылды. Президент мамлекеттик башкарууда санариптештирүүнү кеңири киргизүү, ачык-айкындуулукту камсыз кылуу жана башкаруунун натыйжалуулугун жогорулатуу боюнча конкреттүү милдеттерди койгон.

Президенттин демилгеси жана туруктуу колдоосу менен бул багыттагы иштер ырааттуу ишке ашырылып, 2022-жылдан тартып киреше олуттуу өскөн.

2025-жылдагы көрсөткүчтөргө Иш башкармалыктын карамагына жаңы өткөрүлгөн айрым уюмдардын, анын ичинде "Элкат" ЖЧКнын жана Автотранспорт каражаттарын жана айдоочулук курамды каттоо мамлекеттик борборунун кирешелери киргизилген эмес.

Аталган уюмдар толук эсепке алынгандан кийин 2026-жылы кирешени 25 млрд сомго чейин жеткирүү милдети коюлган.

Мындан тышкары окуңуз

Кыргыз-япон санарип университетин (K-JDU) түзүү пландалып жатат

Кыргызстанда Кыргыз-Япония санарип университетин (K-JDU) түзүү пландалып жатат. Үч тараптуу кызматташуу жөнүндө меморандум 20-декабрда "Борбордук Азия — Япония" бизнес-форумунун алкагында кол коюлганын Жогорку технологиялар паркы (ЖТП) билдиргенин Economist.kg сайты жазды. ЖТПнын маалыматына ылайык, демилге Кыргызстан менен Япониянын IT жана билим берүү тармагындагы кызматташтыгын өнүктүрүүгө багытталган. Ошондой эле ал

Ош облусунда мыйзамсыз аңчылык кылгандарга 156 миң сом айып салынды

Ош облусунун Ноокат, Өзгөн жана Алай райондорунда мыйзамсыз аңчылык кылган жарандарга жалпы 156 миң сом айып пул салынды. Бул тууралуу NABU Кыргызстан уюму маалымдады. Маалыматка ылайык, мыйзам бузуулар 18-22-декабрь күндөрү өткөрүлгөн пландан тышкаркы рейддин жүрүшүндө аныкталган. Рейд NABU Кыргызстан уюмунун "Барс-2" ыкчам тобу жана Жаратылыш министрлигине караштуу Ош

Салык кызматы 11 айда 19,4 млрд сомдон ашык акциз салыгын чогултту

Үстүбүздөгү жылдын январь–ноябрь айларында Мамлекеттик салык кызматы өлкөдө өндүрүлгөн жана ЕАЭБге мүчө мамлекеттерден алынып келинген товарлардан бюджетке 19 млрд 493,06 млн сом акциз салыгынын түшүүсүн камсыз кылды. Салык кызматынын маалыматына ылайык, акциз салыгын чогултуу көрсөткүчтөрү 2024-жылдын ушул мезгилине салыштырмалуу 3 млрд 1,7 млн сомго же 17,3%

180 миң доллар пара менен ИИМ кызматкери жана анын шериги кармалды

Бишкекте 90 миң доллар пара алган 2 адам кармалганын жана алардын бири ИИМ кызматкери экенин УКМК "Кабар" агенттигине билдирген. 14-декабрда Кыргызстандын укук коргоо системасындагы коррупцияны жоюу боюнча көрүлүп жаткан иш-чаралардын натыйжасында атайын кызмат тарабынан 90 миң доллар накталай акча алып жаткан жеринен Кыргызстандын жараны Ж.К.Т. кармалган.