Быйыл 10 айда агробъектилерге салынган инвестицияларды өздөштүрүү 13,9%га өстү
Статистикалык маалыматтарга ылайык, 2025-жылдын январь–ноябрь айларында айыл чарба, токой чарбачылыгы жана балык чарбачылыгы объектилеринин курулушунда негизги капиталга салынган инвестицияларды өздөштүрүүнүн көлөмү 13,9%га өстү.
Маалыматта белгиленгендей, долбоорлорду каржылоо негизинен республикалык бюджеттин, чет өлкөлүк гранттардын жана гуманитардык жардамдын, чет өлкөлүк кредиттердин, ошондой эле калктын каражаттарынын жана Кыргызстандын резиденттеринин кайрымдуулук жардамдарынын эсебинен камсыздалган. Бул булактар жалпы каржылоонун 95,8%ын түздү.
Ошол эле учурда, пайдалуу кендерди казып алуу объектилеринин курулушунда негизги капиталга салынган инвестицияларды өздөштүрүү деңгээли 1,6 эсеге төмөндөдү. Бул багыттагы каржылоонун негизги булактары катары ишканалардын жана уюмдардын өз каражаттары, чет өлкөлүк кредиттер, ошондой эле түз чет өлкөлүк инвестициялар саналат — алардын үлүшү 99,3%ды түзгөн.
