Ошто 1,9732 гектар жер аэропорттун аймагын кеңейтүү үчүн трансформацияланды
МинКаб 2025-жылдын 12-декабрындагы № 806 токтому менен Ош облусунун Кара-Суу районундагы Манас айыл аймагында жайгашкан, аянты 1,9732 гектар болгон жер тилкеси "айыл чарба багытындагы жерлер" категориясынан "өнөр жай, транспорт, байланыш, энергетика, коргонуу жана башка багыттагы жерлер" категориясына өткөрүлдү
Документке ылайык, аталган жер тилкеси сугат айдоо жерлерине кирет жана № 87 (0,35 га), № 92 (0,495 га), № 143 (0,0782 га), № 132 (1,05 га) контурларда жайгашкан.
Бул чечим "Кыргызстан аэропорттору" ААКнын Ош филиалынын аймагын кеңейтүү максатында кабыл алынган.
Кара-Суу районунун мамлекеттик администрациясына төмөнкү милдеттер жүктөлдү:
- жер-кадастрдык эсепке алуу документтерине тиешелүү өзгөртүүлөрдү киргизүү;
- участок боюнча шаар куруу документациясын иштеп чыгуу жана бекитүү (шаар куруу жана архитектура жаатындагы мыйзамдардын, ошондой эле КРнын "Автомобиль жолдору жөнүндө" Мыйзамынын талаптарын эске алуу менен);
- жер тилкесин максаттуу багытта пайдаланууну камсыз кылуу;
- санитардык-эпидемиологиялык жана экологиялык талаптарды сактоо;
- жаан-чачын жана кар сууларын коопсуз агызуу тутумун уюштуруу, сейсмикага каршы чараларды жана кооптуу процесстерди мониторинг кылуу талаптарын эске алуу;
- тарыхый-маданий мурас объектилери табылган учурда алардын сакталышын камсыз кылуу;
- жер аянтын калыбына келтирүү: аз өндүрүмдүү жерлерди талдап чыгып, аларды айыл чарба жүгүртүүсүнө киргизүү.
