Экономика

Улуттук банк 2025-жылдагы кирешесинин 100% мамлекеттик бюджетке которот

Ишкер Media

Улуттук банк 2025-жылдагы кирешесинин 100% мамлекеттик бюджетке которот

Жогорку Кеңештин Финансы, бюджет, ишкердик жана атаандаштыкты өнүктүрүү комитетинин бүгүнкү, жыйынында  “КРнын Улуттук банкынын пайдасын которуу маселелери жөнүндө” конституциялык мыйзам долбоору үч окууда каралып, жактырылды.

Аталган мыйзамдын долбоорун КРнын Финансы министринин орун басары Руслан Суйналиев баяндап, долбоорго ылайык, 2025-жылдын жыйынтыгы боюнча Улуттук банктын кирешесин республикалык бюджеттин кирешесине 100% өлчөмүндө которуу каралгандыгын билдирди. Айтымында, мыйзамдын максаты республикалык бюджеттин киреше бөлүгүн көбөйтүү, социалдык маанилүү чыгымдарын каржылоо жана өлкөнүн социалдык-экономикалык абалын турукташтыруу болуп саналат.

Талкуу учурунда депутаттардын суроолоруна жооп берип жатып Улуттук банктын төрагасынын орун басары М.Аттокуров 2020-2021 жана 22-жылдын жыйынтыгы боюнча Улуттук банк кирешесинин 90%, ал эми 2023-жылдан бери 100% кирешесин мамлекеттик бюджетке которуп келе жаткандыгын белгиледи.

Ал эми депутат Улан Примов Улуттук банктын республикалык бюджетке которгон пайдасынын жалпы көлөмүн тактап чыгып, каражаттардын бир бөлүгүн өнүктүрүү бюджетин түзүүгө багыттоо зарылдыгын белгиледи.

Жаңылыктар биздин Телеграмм каналда

Мындан тышкары окуңуз

Бишкектеги 14 кабаттуу үйдүн курулушунда мыйзам бузуу аныкталды

Бишкектеги 14 кабаттуу үйдүн курулушунда мыйзам бузуу аныкталды

Курулуш министрлигине караштуу Мамлекеттик архитектура-курулуш контролдоо департаментинин адистери тарабынан борбор калаадагы курулуш объектилерине туруктуу негизде көзөмөл жүргүзүлүүдө. Ведомствонун маалыматына ылайык, көзөмөл иш-чараларынын алкагында Бишкек шаарынын Севастопольская көчөсү, 7 дарегинде жайгашкан 14 кабаттуу турак жайдын курулушунда бир катар мыйзам бузуулар аныкталды. Тактап айтканда, турак жайдын 1-блогунун 7-кабатында
Ошто 35,5 млн сомго "Исанов” көмөк чордону курулат

Ошто 35,5 млн сомго "Исанов” көмөк чордону курулат

Ош облусунда “Исанов” көмөк чордону курулуп, ал жогорку чыңалуудагы электр берүү линиялары аркылуу өлкөнүн электр тармагына кошулат. Долбоор Кыргызстандын энергетикалык инфраструктурасын чыңдоого жана кайра жаралуучу энергия булактарын электр системасына интеграциялоого багытталган. Бул тууралуу Энергетика министрлигинен билдиришти. Маалыматка ылайык, “Исанов” көмөк чордону “Кыргыз Республикасында кайра жаралуучу энергетиканы өнүктүрүү”долбоорунун биринчи фазасынын
ШКУ саммитине байланыштуу бир нече көчөлөр жабылат

ШКУ саммитине байланыштуу бир нече көчөлөр жабылат

30-августтан 6-сентябрга чейин Бишкек, Чүй жана Ысык-Көлдө жол кыймылына убактылуу чектөөлөр киргизилет. Бишкек шаардык мэриясынын маалыматына ылайык, жол кыймылына төмөнкү жолдордо чектөөлөр киргизилет: “Манас” эл аралык аба майданынан баштап Васильев тракты, Ю. Фучик көчөсү, Чүй, Манас жана Ч. Айтматов проспектилери, Ж. Абдрахманов, Байтик баатыр, А. Масалиев, Жайыл
Жайыт жерлерин унаа менен тепселегендерге карата айып пул салынды

Жайыт жерлерин унаа менен тепселегендерге карата айып пул салынды

Жаратылыш ресурстары министрлигине караштуу Экологиялык жана техникалык көзөмөл кызматынын кызматкерлери Аламүдүн РИИБдин кызматкерлери менен биргеликте Аламүдүн районуна караштуу Кашка-Суу аймагындагы Ак-Таш жайлоосунда рейддик иш-чара өткөрүштү. Экологиялык жана техникалык көзөмөл кызматынынмаалыматына караганда, рейддин жүрүшүндө айрым жарандардын автоунаалары менен жайыт жерлерин тепселеп, өсүмдүктөргө жана жаратылышка зыян келтирген фактылары аныкталды.