Парламент "Кыргызнефтегазга" 30 млн доллар насыя алууну колдоду
Жогорку Кеңештин депутаттары 4-февралдагы жыйынында "Туруктуу жана инклюзивдүү өсүштү өнүктүрүүнүн биринчи программасы" боюнча кредиттик макулдашууну ратификациялоо жөнүндө мыйзам долбоорун үчүнчү окууда кабыл алышты.
Бул документке Кыргыз Республикасы менен ОПЕКтин Эл аралык өнүгүү фонду ортосунда 2025-жылдын 22-сентябрында кол коюлган.
Буга чейин маалымдалгандай, аталган макулдашуунун алкагында Кыргызстанга бюджеттик колдоо катары 30 млн доллар бөлүнөт. Кредиттин мөөнөтү 20 жыл, пайыздык чени 1,25%, анын ичинен 5 жылы жеңилдетилген мөөнөт болуп саналат.
Аталган каражаттар "Кыргызнефтгаз" ААКсына бюджеттик кредит катары 8 жылдык мөөнөткө, жылдык 1% чен менен берилет. Мында 4 жылы жеңилдетилген мөөнөт катары каралган.
