Экономика

ЕАЭБде какао майын импорттоого жеңилдик киргизилди

Ишкер Media

05 февр. 2026 14:51

Евразия экономикалык комиссиясынын (ЕЭК) Кеңеши какао майын импорттоого тарифтик жеңилдик киргизүү чечимин кабыл алганын Министрлер кабинетинин басма сөз кызматы билдирди.

Чечимге ылайык, ЕАЭБ ТЭИ ТН (ТН ВЭД) 1804000000 коддору боюнча какао майын импорттоодон бажы төлөмдөрү төлөнбөйт, жылына 300 тоннага чейин колдонулушу мүмкүн.

Тарифтик жеңилдик жыл сайын колдонулат жана анын мөөнөтү 2027-жылдын 30-апрелине чейин узартылат.

Бул чара ЕАЭБге мүчө мамлекеттердин кондитердик жана азык-түлүк өнөр жайын колдоо, ички өндүрүштү өнүктүрүү жана Союздун аймагында кошумча нарк түзүүнү максат кылат.

Жеңилдикти алуу үчүн ЕАЭБге мүчө мамлекеттин ыйгарым укуктуу органы тарабынан берилген тастыктоочу документ болушу шарт. Документте импорттоочу уюмдар жана какао-майын жеткирүү көлөмү көрсөтүлүшү керек, аны белгиленген лимиттин алкагында колдонууга уруксат берилет.

Импорттолгон какао-майын болгону тиешелүү мамлекеттин аймагында кайра иштетүү жана даяр продукция чыгаруу үчүн гана колдонулушу керек. Анын башка максаттарда колдонулушуна уруксат берилбейт. Бул талап жергиликтүү өндүрүштү колдоо жана ЕАЭБ ичинде чыгарылган продукциянын атаандаштык жөндөмдүүлүгүн жогорулатууга багытталган.

Кабыл алынган чечим азык-түлүк өнөр жайынын ишканаларын туруктуу чийки зат менен камсыздоого, өндүрүш көлөмүн кеңейтүүгө жана ЕАЭБ рыногунда сапаттуу продукцияны көбөйтүүгө жардам берет.

Мындан тышкары окуңуз

Бишкектеги 14 кабаттуу үйдүн курулушунда мыйзам бузуу аныкталды

Курулуш министрлигине караштуу Мамлекеттик архитектура-курулуш контролдоо департаментинин адистери тарабынан борбор калаадагы курулуш объектилерине туруктуу негизде көзөмөл жүргүзүлүүдө. Ведомствонун маалыматына ылайык, көзөмөл иш-чараларынын алкагында Бишкек шаарынын Севастопольская көчөсү, 7 дарегинде жайгашкан 14 кабаттуу турак жайдын курулушунда бир катар мыйзам бузуулар аныкталды. Тактап айтканда, турак жайдын 1-блогунун 7-кабатында

Ошто 35,5 млн сомго "Исанов” көмөк чордону курулат

Ош облусунда “Исанов” көмөк чордону курулуп, ал жогорку чыңалуудагы электр берүү линиялары аркылуу өлкөнүн электр тармагына кошулат. Долбоор Кыргызстандын энергетикалык инфраструктурасын чыңдоого жана кайра жаралуучу энергия булактарын электр системасына интеграциялоого багытталган. Бул тууралуу Энергетика министрлигинен билдиришти. Маалыматка ылайык, “Исанов” көмөк чордону “Кыргыз Республикасында кайра жаралуучу энергетиканы өнүктүрүү”долбоорунун биринчи фазасынын

ШКУ саммитине байланыштуу бир нече көчөлөр жабылат

30-августтан 6-сентябрга чейин Бишкек, Чүй жана Ысык-Көлдө жол кыймылына убактылуу чектөөлөр киргизилет. Бишкек шаардык мэриясынын маалыматына ылайык, жол кыймылына төмөнкү жолдордо чектөөлөр киргизилет: “Манас” эл аралык аба майданынан баштап Васильев тракты, Ю. Фучик көчөсү, Чүй, Манас жана Ч. Айтматов проспектилери, Ж. Абдрахманов, Байтик баатыр, А. Масалиев, Жайыл

Жайыт жерлерин унаа менен тепселегендерге карата айып пул салынды

Жаратылыш ресурстары министрлигине караштуу Экологиялык жана техникалык көзөмөл кызматынын кызматкерлери Аламүдүн РИИБдин кызматкерлери менен биргеликте Аламүдүн районуна караштуу Кашка-Суу аймагындагы Ак-Таш жайлоосунда рейддик иш-чара өткөрүштү. Экологиялык жана техникалык көзөмөл кызматынынмаалыматына караганда, рейддин жүрүшүндө айрым жарандардын автоунаалары менен жайыт жерлерин тепселеп, өсүмдүктөргө жана жаратылышка зыян келтирген фактылары аныкталды.