Соцфонд МТПФ каражаттарынын эсебинен баалуу кагаздарга инвестиция салды
Социалдык фонд 2026-жылдын январь айында Мамлекеттик топтолмолуу пенсиялык фонддун (МТПФ) каражаттарынын эсебинен мамлекеттик баалуу кагаздарга (МБК) 1 млрд 140,8 млн сом көлөмүндө инвестиция салды. Инвестициянын жылдык киреше чеги 15,2–16% деңгээлинде болду.
Мындан тышкары, МТПФнын каражаттарынын бир бөлүгү коммерциялык банктардагы депозиттик салымдарга жайгаштырылып, 300 млн сом көлөмүндө 12 жана 18 айга салынды. Депозиттердин жылдык кирешеси 11,3–14,3%ды түздү. Натыйжада, отчеттук мезгилде жалпысынан 1 млрд 440,8 млн сом инвестицияланган.
МТПФнын мурдагы инвестициялары боюнча 2026-жылдын январь айында төмөнкү кирешелер алынган:
- МБКдан киреше — 512,7 млн сом;
- Депозиттер боюнча пайыздык киреше — 12,6 млн сом;
- МТПФ эсептериндеги күнүмдүк калган суммалардан эсептелген пайыздык киреше — 1 млн сом.
Ошентип, 2026-жылдын январь айында МТПФнын каражаттарын инвестициялоодон жалпы киреше 526,3 млн сомду түздү.
