Экономика

Ж.Жаилов: Кыргызстанда акыркы эки жылда ички инвестициялар 374 млрд сомго өстү

Ишкер Media

10 февр. 2026 16:05

Азыр ички инвестициялар тышкы инвестицияларга салыштырмалуу болжол менен беш эсе көп экенин радионун түз эфиринде экономист, Кыргызстандын Улуттук илимдер академиясынын мүчө-корреспонденти, экономика илимдеринин доктору Жумабек Жаилов билдирди.

Анын айтымында, мурда экономиканын өнүгүүсүнүн алгачкы баскычтарында негизинен тышкы инвестицияларга жана кредиттерге басым жасалган, ички булактар дээрлик жок болгон.

"Акыркы эки жылда ички инвестициялар 274 млрд сомдон 374 млрд сомго чейин өсүп, башкача айтканда 100 млрд сомго (болжол менен 1,5 млрд долларга) көбөйдү. Ал эми акыркы беш жылда түз тышкы инвестициялардын көлөмү болжол менен 70 млрд сомду түздү. Ошентип, ички инвестициялар тышкы инвестицияларга караганда болжол менен беш эсе жогору", — деди Жаилов.

Экономисттин белгилешинче, тышкы инвесторлор каражаттарын көбүнчө соода жана мейманкана бизнесине салып, тез арада киреше алып чыгууга умтулушкан. Ал эми ички инвестициялар негизинен өнөр жайды өнүктүрүүгө багытталууда.

"Эгер мурда инвестициялар негизинен айыл чарбасына багытталса, бүгүнкү күндө кайра иштетүү, өндүрүш, тоо-кен жана курулуш тармактары негизинен ички ресурстардын эсебинен каржыланууда", — деп кошумчалады Жаилов.

Анын айтымында, мындай өзгөрүү Кыргызстанга өз өндүрүшүн бекемдөөгө жана экономиканын тышкы инвесторлорго болгон көз карандылыгын азайтууга мүмкүнчүлүк берет.

Мындан тышкары окуңуз

Бишкек – Балыкчы – Нарын –Торугарт жолу кардан тазаланып, жол ачылды

Бишкек – Балыкчы – Нарын –Торугарт унаа жолунун 470-544 чакырым аралыгы кардан тазаланып, эки тараптуу каттам берилди. Транспорт жана коммуникациялар министрлигинин маалымат кызматынан белгилешинче, учурда министрликтин кызматкерлери тарабынан атайын техникалар тартылып, жолду кеңейтүү иштери жүрүүдө. Буга чейин Бишкек – Балыкчы – Нарын – Торугарт автожолунун 445-544-чакырымына түндө кар жаап, анын калыңдыгы 25-35 сантиметрге чейин жеткен.

Негизсиз берилбей келген кепилдик төлөмү ишкерге кайтарылды

Прокурордук текшерүүнүн жыйынтыгында ишкерге тиешелүү болгон кепилдик төлөм кайра кайтарылды. Маалыматка караганда, ишкер акча каражатын кайтарып берүү өтүнүчү менен бир нече жолу мамлекеттик органга кайрылган. Бирок мыйзамдуу негиздер болгонуна карабастан, анын арыздары узак убакыт каралбай келген. Көрүлгөн прокурордук чаралардын негизинде ишкердин укуктары калыбына келтирилип, негизсиз кармалып турган 692 миң 800

Кимдер дары-дармекти арзандатылган баада ала алышат?

Кыргызстанда милдеттүү медициналык камсыздандыруу (ММК) системасында камсыздандырылган жарандар үчүн дары-дармек менен жеңилдетилген камсыздоо программасы иштейт. Бул программа аркылуу айрым дары-дармектерди дарыгердин рецепти менен арзандатылган баада сатып алууга болот. Бул тууралуу Саламаттыкты сактоо министрлигинен маалымдашты. Билдирүүгө караганда, жеңилдиктен пайдалана ала турган жарандардын катарына пенсионерлер, 18 жашка чейинки балдар, күндүзгү бөлүмдө 21

Садыр Жапаров Европа Биримдигинин Борбор Азия боюнча Атайын өкүлү менен жолукту

Президент Садыр Жапаров 5-июнда, Европа Биримдигинин Борбор Азия боюнча Атайын өкүлү Эдуардс Стипрайсты кабыл алды. Бул тууралуу президенттин расмий баракчасына жарыяланды. Маалыматка ылайык, Мамлекет башчысы Европа Биримдиги менен өз ара аракеттенүү жана “Борбор Азия – Европа Биримдиги” форматында аймактык кызматташууну чыңдоо Кыргызстандын тышкы саясатынын артыкчылыктуу багыттарынын бири болуп саналарын баса белгиледи.