Экономика

Айыл жерлериндеги ветеринарларга кошумча төлөмдөр берилет

Ишкер Media

11 февр. 2026 13:55

Ветеринардык кызматтын кызматкерлерине атайын фонддун эсебинен кошумча төлөмдөр берилерин Жогорку Кеңештин жыйынында Министрлер кабинетинин төрагасынын орун басары Бакыт Төрөбаев билдирди.

"Жайында көптөгөн уйлар ооруп, атүгүл эмдөө да жардам берген жок. Бул айрым деңгээлде Ветеринардык кызматтын ишине байланыштуу. Тармактагы көйгөйлөрдү чечүү үчүн чара көрүү керек", — деди депутат Салтанат Аманова.

Бакыт Төрөбаевдин айтымында, 2025-жылы ири жана майда мүйүздүү малдын, ошондой эле канаттуулардын 26 млн башы эмделген.

"Бирок жеке ветеринарлар боюнча маселе бар. Бүгүнкү күндө республика боюнча алардын саны 1,6 миңди түзөт. Учурда алардын так статусун, милдеттерин жана жоопкерчилигин аныктоо боюнча иш алып баруудабыз, ошондой эле кирешелерин көбөйтүү маселесин чечүүнү көздөп жатабыз. Азыр мындай жагдай түзүлгөн: мал ээси жеке ветеринарды чакырса — барышат, чакырбаса — барышпайт. Биз болсо алар кожоюндары чакырса да, чакырбаса да абалды туруктуу көзөмөлдөп турушун каалайбыз", — деди министр.

Ал Ветеринардык кызматтагы айлык акы чындыгында төмөн экенин моюнга алды.

"Дал ошондуктан бул кызматтын алдында атайын эсеп ачылып, анын каражаттарын кызматкерлердин айлыгын жогорулатууга пайдаланууга уруксат берилди. Мындан тышкары, жаш адистерди аймактарда иштөөгө кызыктыруу үчүн “Жаш ветеринар” программасын иштеп чыгуудабыз. Эгер алар айылдарга барып иштесе, турак жай менен камсыз кылууга жана айлык акысына кошумча үстөк төлөөгө даярбыз", — деп кошумчалады ал.

Мындан тышкары окуңуз

Бишкек – Балыкчы – Нарын –Торугарт жолу кардан тазаланып, жол ачылды

Бишкек – Балыкчы – Нарын –Торугарт унаа жолунун 470-544 чакырым аралыгы кардан тазаланып, эки тараптуу каттам берилди. Транспорт жана коммуникациялар министрлигинин маалымат кызматынан белгилешинче, учурда министрликтин кызматкерлери тарабынан атайын техникалар тартылып, жолду кеңейтүү иштери жүрүүдө. Буга чейин Бишкек – Балыкчы – Нарын – Торугарт автожолунун 445-544-чакырымына түндө кар жаап, анын калыңдыгы 25-35 сантиметрге чейин жеткен.

Негизсиз берилбей келген кепилдик төлөмү ишкерге кайтарылды

Прокурордук текшерүүнүн жыйынтыгында ишкерге тиешелүү болгон кепилдик төлөм кайра кайтарылды. Маалыматка караганда, ишкер акча каражатын кайтарып берүү өтүнүчү менен бир нече жолу мамлекеттик органга кайрылган. Бирок мыйзамдуу негиздер болгонуна карабастан, анын арыздары узак убакыт каралбай келген. Көрүлгөн прокурордук чаралардын негизинде ишкердин укуктары калыбына келтирилип, негизсиз кармалып турган 692 миң 800

Кимдер дары-дармекти арзандатылган баада ала алышат?

Кыргызстанда милдеттүү медициналык камсыздандыруу (ММК) системасында камсыздандырылган жарандар үчүн дары-дармек менен жеңилдетилген камсыздоо программасы иштейт. Бул программа аркылуу айрым дары-дармектерди дарыгердин рецепти менен арзандатылган баада сатып алууга болот. Бул тууралуу Саламаттыкты сактоо министрлигинен маалымдашты. Билдирүүгө караганда, жеңилдиктен пайдалана ала турган жарандардын катарына пенсионерлер, 18 жашка чейинки балдар, күндүзгү бөлүмдө 21

Садыр Жапаров Европа Биримдигинин Борбор Азия боюнча Атайын өкүлү менен жолукту

Президент Садыр Жапаров 5-июнда, Европа Биримдигинин Борбор Азия боюнча Атайын өкүлү Эдуардс Стипрайсты кабыл алды. Бул тууралуу президенттин расмий баракчасына жарыяланды. Маалыматка ылайык, Мамлекет башчысы Европа Биримдиги менен өз ара аракеттенүү жана “Борбор Азия – Европа Биримдиги” форматында аймактык кызматташууну чыңдоо Кыргызстандын тышкы саясатынын артыкчылыктуу багыттарынын бири болуп саналарын баса белгиледи.