Экономика

ЕАЭБде навигациялык пломбаларды колдонуу менен жүк ташууларга байкоо жүргүзүү башталды

Ишкер Media

12 февр. 2026 11:33

11-февралдан баштап Евразия экономикалык бирлигине (ЕАЭБ) мүчө-мамлекеттерде навигациялык пломбаларды колдонуу менен жүктөрдү ташууга байкоо жүргүзүү механизми иштей баштады. Бул тууралуу Мамлекеттик Бажы кызматынан кабарлашты.

Билдирүүгө караганда, жаңы талаптар, ЕАЭБде жүктөргө байкоо жүргүзүү үчүн навигациялык пломбаларды колдонуу жөнүндө Макулдашууга ылайык, эки же андан ашык ЕАЭБге кирген мүчө-мамлекеттердин аймагы аркылуу өтүүчү ташууларга карата колдонулат.

Ишке киргизүү этап-этабы менен — товарлардын категорияларын жана транспорттун түрлөрүн эске алуу менен жүргүзүлөт. Навигациялык пломбалар төмөнкүлөрдү ташууда колдонулат:

- айрым акциздик товарларды, анын ичинде алкоголь жана тамеки продукциясын, бажы транзити жана экспорт бажы жол-жоболоруна ылайык автомобиль жана (же) темир жол транспорту менен ташууда, ошондой эле өз ара соода алкагында мүчө-мамлекеттердин ортосундагы ташуулар;

- бажы транзити жол-жобосуна ылайык автомобиль транспорту менен ташылган айрым товарлардын категориялары (анын ичинде кийим-кече, бут кийим жана техника);

- никотин камтыган продукцияны жана никотин чийки затын, ЕАЭБдин тышкы экономикалык ишмердүүлүгүнүн Бирдиктүү товардык номенклатурасынын 2404, 2939 79 000 0 жана 2939 80 000 0 товардык позицияларына кирген, автомобиль транспорту менен ташылып, Бирликтин бажы аймагынан экспорт бажы жол-жобосуна ылайык чыгарууда.

Жүктөрдү ташууга байкоо жүргүзүү ЕАЭБге мүчө-мамлекеттердин улуттук операторлору тарабынан жүргүзүлөт. КРда мындай оператор болуп «Мамлекеттик бажы инфраструктурасы» ААК аныкталган.

Бул механизмди киргизүү логистиканын ачыктыгын жогорулатууга жана товарлардын мыйзамдуу жүгүртүлүшүн камсыз кылууга, ошол эле учурда Бирликтин ичинде текшерүү жол-жоболорунун көлөмүн кыскартууга багытталган.

Навигациялык пломбаларды колдонуу тартиби жана улуттук оператор менен өз ара аракеттенүү боюнча кошумча маалыматты мамлекеттик көзөмөлдөөчү органдарынан алууга болот. Консультациялар улуттук оператордун колл-борборунун бирдиктүү 1205 номери аркылуу берилет.

Мындан тышкары окуңуз

Бишкек – Балыкчы – Нарын –Торугарт жолу кардан тазаланып, жол ачылды

Бишкек – Балыкчы – Нарын –Торугарт унаа жолунун 470-544 чакырым аралыгы кардан тазаланып, эки тараптуу каттам берилди. Транспорт жана коммуникациялар министрлигинин маалымат кызматынан белгилешинче, учурда министрликтин кызматкерлери тарабынан атайын техникалар тартылып, жолду кеңейтүү иштери жүрүүдө. Буга чейин Бишкек – Балыкчы – Нарын – Торугарт автожолунун 445-544-чакырымына түндө кар жаап, анын калыңдыгы 25-35 сантиметрге чейин жеткен.

Негизсиз берилбей келген кепилдик төлөмү ишкерге кайтарылды

Прокурордук текшерүүнүн жыйынтыгында ишкерге тиешелүү болгон кепилдик төлөм кайра кайтарылды. Маалыматка караганда, ишкер акча каражатын кайтарып берүү өтүнүчү менен бир нече жолу мамлекеттик органга кайрылган. Бирок мыйзамдуу негиздер болгонуна карабастан, анын арыздары узак убакыт каралбай келген. Көрүлгөн прокурордук чаралардын негизинде ишкердин укуктары калыбына келтирилип, негизсиз кармалып турган 692 миң 800

Кимдер дары-дармекти арзандатылган баада ала алышат?

Кыргызстанда милдеттүү медициналык камсыздандыруу (ММК) системасында камсыздандырылган жарандар үчүн дары-дармек менен жеңилдетилген камсыздоо программасы иштейт. Бул программа аркылуу айрым дары-дармектерди дарыгердин рецепти менен арзандатылган баада сатып алууга болот. Бул тууралуу Саламаттыкты сактоо министрлигинен маалымдашты. Билдирүүгө караганда, жеңилдиктен пайдалана ала турган жарандардын катарына пенсионерлер, 18 жашка чейинки балдар, күндүзгү бөлүмдө 21

Садыр Жапаров Европа Биримдигинин Борбор Азия боюнча Атайын өкүлү менен жолукту

Президент Садыр Жапаров 5-июнда, Европа Биримдигинин Борбор Азия боюнча Атайын өкүлү Эдуардс Стипрайсты кабыл алды. Бул тууралуу президенттин расмий баракчасына жарыяланды. Маалыматка ылайык, Мамлекет башчысы Европа Биримдиги менен өз ара аракеттенүү жана “Борбор Азия – Европа Биримдиги” форматында аймактык кызматташууну чыңдоо Кыргызстандын тышкы саясатынын артыкчылыктуу багыттарынын бири болуп саналарын баса белгиледи.