ШКУ алкагында өсүмдүктөр карантини кызматташтыгы күчөтүлөт
Суу ресурстары, айыл чарба жана кайра иштетүү өнөр жайы министрлигине караштуу Өсүмдүктөрдү химиялаштыруу, коргоо жана карантин департаментинин директорунун орун басары М.Б. Асыпбеков Шанхай кызматташтык уюмуна (ШКУ) мүчө мамлекеттердин өкүлдөрү менен онлайн форматта жолугушуу өткөрдү.
Жолугушууда алдыда өтө турган Өсүмдүктөрдүн карантини жаатындагы кызматташтык боюнча министрликтер менен ведомстволордун жетекчилеринин Кеңешмесине даярдык маселеси талкууланды.
Тараптар иш-чаранын күн тартибин, өткөрүү тартибин жана уюштуруучулук жагдайларын карап чыгышты. Ошондой эле өз ара координацияны күчөтүү жана кызматташууну натыйжалуу жүргүзүү жолдору боюнча пикир алышты.
Белгиленгендей, мындай жолугушуулар өсүмдүктөрдүн карантини тармагында тажрыйба алмашууга, фитосанитардык коопсуздукту бекемдөөгө жана аймактык кызматташууну өнүктүрүүгө өбөлгө түзөт.
