Экономика

Дүйнө жүзү боюнча дата борборлорго 2029-жылга чейин 3 трлн доллар жумшалат

Мелис Совет уулу

22 февр. 2026 09:22

2026-жылдын башына карата жасалма интеллект (ЖИ) тармагындагы инвестициялардын көлөмү менен алардын тастыкталган кайтарымынын ортосундагы ажырым сектордун негизги көйгөйү болуп саналарын "Росконгресс" фондунун изилдөөсүндө айтылат.

Авторлордун пикиринде, жүздөгөн миллиард долларлык келишимдер аларды өз акча агымдарынын эсебинен аткара албаган компаниялар менен түзүлүп жатат.

"Каржылоо жабык айлампа боюнча курулган: чип өндүрүүчү өз кардарына инвестиция салат, кардар бул каражаттарды чип сатып алууга жумшайт, ал эми кызматын көрсөтүүчү провайдерлер жабдуу күрөөсү менен насыя тартышат. Бирок бул жабдуу насыя толук төлөнгөнгө чейин эле моралдык жактан эскирип калышы мүмкүн", — деп белгиленет изилдөөдө.

OpenAI компаниясынын жети контрагент алдындагы жалпы милдеттенмелери — Broadcom (350 млрд доллар), Oracle (300 млрд доллар), Microsoft (250 млрд доллар), Nvidia (100 млрд доллар), AMD (90 млрд доллар), Amazon AWS (38 млрд доллар) жана CoreWeave (22 млрд доллар) — жалпысынан 1,15 трлн долларга жеткен. Бул сумма дүйнөдөгү эң ири алты корпоративдик карыз алуучунун таза карызы менен барабар.

Barclays аналитиктеринин эсептөөлөрү боюнча, беш ири технологиялык компаниянын жалпы капиталдык чыгымдары 2025-жылы болжол менен 390 млрд долларды, 2026-жылы 540 милллиардды жана 2027-жылы 615 млрд долларды түзөт. Сөз Meta, Alphabet, Amazon, Microsoft жана Oracle компаниялары жөнүндө болуп жатат.

Божомолдорго ылайык, үч жыл ичиндеги жалпы инвестициялардын көлөмү 1,55 трлн долларга жетет. Бул 2021-жылдагы америкалык компаниялардын бардык капиталдык чыгымдарынын 17%ына барабар.

Morgan Stanley жүргүзгөн эсептөөлөргө ылайык, 2029-жылга чейинки мезгилде дүйнө жүзү боюнча дата-борборлорго жумшала турган чыгымдар дээрлик 3 трлн долларды түзөт.

Анын ичинен ири технологиялык компаниялардын капиталдык салымдары болгону 1,4 трлн долларды түзөт. Бул, экономисттердин баамында, тышкы инвесторлордон жана девелоперлерден кошумча 1,5 трлн доллар өлчөмүндө каржылоо талап кылынарын көрсөтөт.

Мындан тышкары окуңуз

Дүйнөдө катуу диск (HDD) тартыштыгы жаралышы мүмкүн

Катуу диск (HDD) өндүрүүчүлөр 2027-жылга чейинки бардык өндүрүш кубаттуулуктарын алдын ала сатып жиберишти. Гиперскейлерлер Seagate жана Western Digital компанияларынын дээрлик бардык HDD чыгарылышын сатып алышып, корпоративдик рынок үчүн эркин жеткирүүлөрдү дээрлик калтырган жок. Ири катуу диск өндүрүүчүлөр жакынкы жылдарга карата өндүрүш мүмкүнчүлүктөрү толугу менен бөлүштүрүлүп бүткөнүн билдиришти. Бул негизинен жасалма

Ф.Кулов Кытай – Кыргызстан – Өзбекстан темир жолунун курулушуна элдик инвестиция тартууну сунуштады

Кыргызстандын мурдагы премьер-министри Феликс Кулов жарандарды Кытай – Кыргызстан – Өзбекстан темир жолунун курулушун каржылоого элдик инвестиция тартуу демилгесин көтөрдү. Анын айтымында, бул долбоор өлкө тарыхындагы эң ири инфраструктуралык долбоорлордун бири болуп саналат жана Кыргызстанды Чыгыш менен Батышты байланыштырган транзиттик түйүнгө айлантат. Курулуштун жалпы наркы болжол менен 4,7 млрд доллар деп

Россияда эмгек мигранттары үчүн кошумча төлөмдөр киргизилет

Россия бийлиги визасыз режимдеги КМШ мамлекеттеринен келген эмгек мигранттарына карата эрежелерди катаалдаштырууну даярдап жатканын Коммерсантъ басылмасы жазды. Финансы министрлигинин мыйзам долбооруна ылайык, 2027-жылдан тарта мигранттар патентти өздөрү үчүн гана эмес, жашы жете элек балдары жана башка багуусундагы адамдар үчүн да төлөөгө милдеттүү болушат. Алар үчүн төлөм негизги сумманын 50%ы

Казакстандын мурдагы УКК башчысы Карим Масимовдун самурай кылычы 3,4 млн теңгеден ашык суммага сатылды

Мурдагы УКК башчысынын хан сарайынан алынган буюмдарды сатуу уланып жатат. Астанада өткөн электрондук аукциондо Масимовдун үйүн тинтүү учурунда алынган самурай кылычы жана булгаары кур сатылды деп билдирет Orda.kz. Баштапкы баасы 461 миң теңге болгон кылыч 3 миллион 413 миң 825 теңгеге сатылды. Кылыч болоттон жасалган жана кыны кара түстө,