Экономика

Кыргызстанда BRICS Pay төлөм шлюзун түзүү маселеси талкууланды

Мелис Совет уулу

16 мар. 2026 18:22

Инвестициялар боюнча улуттук агенттикте BRICS Pay эл аралык долбоорунун өкүлдөрү менен жолугушканын агенттиктен билдиришти.

Анда Кыргызстандын аймагында чек ара аралык чекене (C2B) жана корпоративдик (B2B) эсептешүүлөр үчүн заманбап инфраструктураны түзүү максатында BRICS Pay төлөм шлюзун түзүү мүмкүнчүлүктөрү талкууланды.

BRICS Pay долбоору БРИКС+ форматындагы өлкөлөрдүн ортосундагы эсептешүүлөрдү жөнөкөйлөтүүгө багытталган борборлоштурулбаган санариптик төлөм системасын билдирет. Платформа улуттук валюталарда коопсуз жана үзгүлтүксүз төлөмдөрдү жүргүзүүгө мүмкүнчүлүк түзүп, ыкчам, ишенимдүү жана жеткиликтүү финансылык операцияларды камсыздайт. Долбоор заманбап төлөм инфраструктурасы аркылуу өлкөлөр жана колдонуучуларды бириктирип, эл аралык эсептешүүлөрдүн үзгүлтүксүз жүргүзүлүшүн камсыз кылууга багытталган.

Жолугушууда тараптар Кыргызстанга BRICS Pay төлөм шлюзун киргизүүнүн инвестициялык жана инфраструктуралык потенциалын талкуулашты. Ошондой эле долбоордун өкүлдөрү системанын технологиялык архитектурасын жана иштөө бизнес-моделин тааныштырышты.

Инвестициялар боюнча улуттук агенттиктин башчысынын орун басары Мээримбек Койчуманов Кыргызстанда BRICS Pay төлөм шлюзун түзүү долбоорун ишке ашырууга көмөк көрсөтүүгө даяр экенин белгилеп, мындай демилгенин ишке ашырылышы өлкөнүн инвестициялык жагымдуулугун жогорулатууга түзүлгөн мүмкүнчүлүктөрдү атады.

Мындан тышкары окуңуз

Лариса Долина батири боюнча 176 млн рубль өндүрүп берүү талабын коюп сотко кайрылды

Ал мүлктүк чыгымды өндүрүп алуу боюнча доо арызын Москванын Балашиха шаардык сотуна жолдогонун соттун басма сөз кызматы билдирген. Доо арызда жоопкер катары А. Н. Цырульникова, Д. М. Леонтьева, А. И. Каменецкий жана А. Д. Основа көрсөтүлгөн. Буга чейин сот аларды өзгөчө ири өлчөмдөгү алдамчылык боюнча күнөөлүү деп таап, төрт жылдан

Кытай компаниясы Кыргызстандын көчө жарыктарын жаңылоого кызыкдар

Бүгүн президентке караштуу Инвестициялар боюнча улуттук агенттиктин башчысы Равшанбек Сабиров Кытайдын Longteng Lighting Group Co., Ltd. компаниясынын өкүлдөрү менен жолукканын агенттиктен билдиришти. Жолугушуунун жүрүшүндө компаниянын өкүлдөрү архитектуралык жана шаардык жарыктандыруу тармагында долбоорлорду ишке ашыруу боюнча эл аралык тажрыйбалары менен тааныштырышты. Тактап айтканда, компания BRICS жана Shanghai Cooperation Organization саммиттери сыяктуу

Айдоочу "Нурайымы" үчүн 55 миң сом айып пул төлөмөй болду

Бишкек шаарында Lexus GX470 үлгүсүндөгү жолтандабас унаанын айдоочусу жасалма мамлекеттик номер колдонгону үчүн жоопкерчиликке тартылганын Бишкек шаарынын Жол кыймылынын коопсуздугун камсыздоо башкармалыгынын(ЖКККБ) басма сөз кызматы билдирди. Маалыматка ылайык, 16-март күнү саат 14:00 чамасында унаа патрулдук кызматкерлер тарабынан токтотулган. Унаага орнотулган номердин ордуна "Нурайым" деген жазуусу бар

Салык кызматынын төрагасы Баткенде ишкерлердин көйгөйлөрүн укту

Мамлекеттик салык кызматынын төрагасы Алмамбет Шыкмаматов 16-мартта жумушчу сапары менен Баткен облусуна барды. Бул тууралуу салык кызматынан билдиришти. Сапардын алкагында ал аймактык салык органдарынын ишмердүүлүгү менен таанышып, кызматкерлердин иштөө шарттарын көрүп чыкты. Ошондой эле салыктык башкаруунун натыйжалуулугун жогорулатуу жана салык төлөөчүлөргө көрсөтүлүүчү кызматтын сапатын жакшыртуу маселелери талкууланды. Иш сапарынын жүрүшүндө