Кыргызстандын экономикалык өсүшү 2026-жылдын божомолу боюнча 9,3% деңгээлинде болот
Евразия өнүктүрүү банкынын аналитиктери Кыргызстан боюнча 2026-жылга карата ички дүң продуктунун (ИДП) өсүү божомолун кайра карап чыгышты. Бул тууралуу банктын макроэкономикалык баяндамасында айтылат.
Республиканын экономикасынын өсүшү 2026-жылдын божомолу боюнча 9,3% деңгээлинде болот деп күтүлүүдө. Бул көрсөткүч мурунку божомолго салыштырмалуу 2,2%дык пунктка жогорулатылды.
ЕАӨБдын маалыматына ылайык:
- Жогорку керектөө активдүүлүгү экономикалык өсүштү мурда болжолдонгондон да узак убакыт колдоп турат.
- Керектөө насыяларынын жогорку өсүү темпи жана акча которуулардын оң динамикасы 2026-жылдын башында сакталат, бул ички сооданы стимулдайт.
- Мамлекеттик инвестициялык программалар аркылуу берилген инвестициялык импульс курулуш тармагына жана кайра иштетүү өнөр жайына оң таасирин тийгизет.
