Кыргызстанда жалпы 95 миңден ашык айыл чарба техникасы бар
Айыл чарба министрлигинин акыркы маалыматтарына таянсак, республика боюнча бүгүнкү күндө 95 миңден ашык айыл чарба техникалары бар. Анын ичинен тракторлор 22 389 даана, соколор 11 544 даана, үрөн сепкичтер 3 468, малалар 15 467 даана, жер семирткич чачкычтар 822 даана, арык казгычтар 1 731 даана, жер тегиздегичтер 2023 даана, трактор чиркегичтери 9 169 даана жана башка техникалар.
Республиканын аймактарында жазгы талаачылык айдап себүү жумуштарына карата айыл чарба субъекттери тарабынан айыл чарба техникаларын оңдоп түзөө жана ремонтоо иштери жүргүзүлүп, техникалардын басымдуу бөлүгү сезондук жумуштарды аткарууга даяр.
Азыркы учурда айыл чарба техникаларынын жалпы даярдыгы 89%ды түздү. Республика боюнча талаачылык жумуштарына бардыгы болуп 22 389 трактордун ичинен 1972 трактор, же жалпы тракторлордун санынын 88%ы, соколордун 90%ы, үрөн сепкичтердин 90%ы, малалардын 90%ы, жер семирткич чачкычтардын 92%ы, арык казгычтардын 88%ы, жер тегиздегичтердин 88%ы, трактор чиркегичтеринин 88%ы даяр.
Талаачылык жумуштарын аткарууга жалпы региондорду алганда жалпысынан 8 миңден ашык жер айдоочу жана 3,5 миңден ашык себүүчү агрегаттар өнөктүккө катышууда.
