Караколдогу Пушкин атындагы эс алуу багы жаңыланууда
Курулуш, архитектура жана турак жай-коммуналдык чарба министрлигине караштуу “Кыргызкурулуш” мамлекеттик ишканасы тарабынан Каракол шаарындагы А.С. Пушкин атындагы эс алуу багын реконструкциялоо иштери уланууда. Бул тууралуу ведомстводон билдиришти.
Долбоор мамлекеттик бюджеттин эсебинен каржыланып, курулуш иштери үстүбүздөгү жылдын февраль айында башталган. Учурда реконструкциялоо иштери активдүү жүрүп жатат.
Долбоорго ылайык, эс алуу багына заманбап 12 аттракцион, лабиринт жана оргума орнотулат. Мындан тышкары, кичи тамактануу жайлары, шахмат жана баскетбол аянтчалары каралган. Ошондой эле жарандардын эс алуусу үчүн аллеялар түзүлүп, аймакты жашылдандыруу иштери жүргүзүлөт.
Реконструкция иштерин “РБН Азамат групп” ЖЧКсы аткарууда. Учурда курулуш аянтында 60 жумушчу эмгектенип жатат.
Жаңыланган эс алуу багы шаар тургундары жана коноктор үчүн ыңгайлуу жана заманбап эс алуу жайына айланары күтүлүүдө.
