Экономика

Кыргызстанда күйүүчү май жакынкы күндөрү кымбаттайбы?

Мелис Совет уулу

07 апр. 2026 13:40

Дүйнөдө мунай кымбаттап жатканына байланыштуу күйүүчү майдын баасы Кыргызстанда да көтөрүлөрүн "Кыргызстан Нефтетрейдерлер ассоциациясынын" президенти Канат Эшатов Биринчи радиого курган маегинде билдирди.

Баалардын кескин кымбаттап кетишине жол бербөө үчүн нефтетрейдерлер кыргыз өкмөтүнө сунуш киргизип, күйүүчү майды акциз жана салыктардан убактылуу бошотууга чакырган.

"Салыктар жана акциздер баалардын 25% түзөт. Көптөгөн өлкөлөр акцизди жокко чыгарып, кошумча нарк салыгын, сатуудан алынуучу жана башка салыктарды эң төмөнкү чекке түшүрдү.

Министрлер кабинетинин алдында мунай ташуучулардын өкүлдөрү кирген ыкчам штаб түзүлгөн. Штаб Министрлер кабинетине бул салыктарды жана маркирлөөгө алынчу, Жол фондуна алынуучу төлөмдөрдү убактылуу жокко чыгара турууну сунуштадык", - деди Канатбек Эшатов.

Мунай ташуучулардын маалыматында, күйүүчү майдын дүйнөлүк баасы акыркы убактарда 25-30% кымбаттады. Учурда Аи-92 үлгүсүндөгү бензиндин өздүк баасы 78-81 сом, дизелдик күйүүчү май 100-103 сом болууда. Бул мунай ташуучулардын пайдасын жана май куюучу бекеттердин чыгымдарын кошпой эсептелген баасы.

Эшатов ушул тапта чекене сатылып жаткан күйүүчү майдын баасы мурда сатылып алынган күйүүчү май корунан улам кармалып турганын, бирок бул ресурстар дээрлик түгөнүп жатканын кошумчалады.

Кыргызстан өзү керектеген күйүүчү майдын 95% Россиядан сатып алат. Жакынкы Чыгыштагы кырдаалдан улам орус заводдору да бааларды көтөрүүдө. Бул өлкөдө ушул тапта дизелдик күйүүчү майдын тоннасы 1,2 миң долларга чыкты. Аи-92 үлгүсүндөгү бензиндин экспорт баасы тоннасына 870 долларга көтөрүлдү.

Мындан тышкары окуңуз

Жаңы Ош базары менен жаңы автовокзалга 90 чакырым электр зымы тартылат

Бишкекте көп функционалдуу шаардык комплекс курулуп жаткан аймакта, анын ичинде жаңы Ош базары жана жаңы автовокзалдын аймагында 90 чакырым өзүн-өзү көтөрүүчү изоляцияланган зым (СИП-3) тартылат. Бул тууралуу энергетика министри Таалайбек Ибраев жана "КУЭТ" ААКнын башкы директору Ильгиз Сыдыгалиев Бишкек электр тармактары ишканасына барган учурда белгилүү болду. Министр Таалайбек

"Лейлек" ЭЭАсы жандандырылат

Баткен облусунун башчысы Мамыржан Рахимов Лейлек районундагы “Лейлек” эркин экономикалык аймагынын абалы менен таанышты. Анда жетекчилер жеринде өндүрүш аймагынын ишин жандантуу маселелерин талкуулашты. Аймакка электр энергиясын жеткирүү, инвесторлорду тартуу боюнча сунуштар ортого салынды. Учурда аймакка электр энергиясын жеткирүү үчүн Баткен облусун өнүктүрүүгө багытталып республикалык бюджеттен бөлүнгөн 500 млн сомдун эсебинен

А.Шыкмаматов курулуш компанияларын бирдиктүү салык төлөөгө өтүүгө чакырды

Курулуш компаниялары бирдиктүү салык төлөөгө өтүшү керектигин Мамлекеттик салык кызматынын башчысы Алмамбет Шыкмаматов курулуш тармагынын өкүлдөрү менен жолугушууда билдирди. Анын айтымында, бирдиктүү салык системасы курулуш компанияларынын ишин жеңилдетет. Ал эми курулуш компанияларынын өкүлдөрү бирдиктүү салыкка өткөндөн кийин салыктын ставкасы 10%га чейин өсүп кетиши мүмкүн экенине тынчсыздануусун айтышты. Шыкмаматов бирдиктүү

КРнын Президентинин администрациясына келген жарандардын кайрылуулары 32% өстү

Эгерде 2025-жылдын жыйынтыгы менен КРнын Президентинин администрациясына келген кайрылуулар 8-9 % азайса, быйыл 1-кварталда былтыркы жылдын ушул мезгилине салыштырмалуу 32% көбөйдү. Мындай маалыматты Биринчи радионун түз эфиринде КРнын Президентинин жана Министрлер Кабинетинин чечимдерин аткарууну контролдоо башкармалыгынын жарандардын кайрылуулары менен иштөө боюнча секторунун инспектору Жайылбек Дадиев билдирди. Анын айтымында, Президенттин администрациясына келген