"Нарын" ЭЭАсы WFZO уюмуна толук кандуу мүчө болду
"Нарын" эркин экономикалык аймагы World Free Zones Organization уюмунун толук кандуу мүчөсү болуп, добуш берүү укугуна ээ болгонун президентке караштуу Инвестициялар боюнча улуттук агенттиктин басма сөз кызматы билдирди.
Алардын маалыматына ылайык, бул кадам Кыргызстандын эл аралык инвестициялык аренадагы позициясын бекемдөөгө жана глобалдык өнөктөштөр менен кызматташууну кеңейтүүгө маанилүү салым кошот.
Жаңы статус "Нарын" эркин экономикалык аймагына:
- алдыңкы эл аралык тажрыйбага жеткиликтүүлүк;
- инвесторлор менен түз иштешүү мүмкүнчүлүгү;
- эл аралык деңгээлде чечим кабыл алууга катышуу укугу сыяктуу мүмкүнчүлүктөрдү берет.
Бул өз кезегинде аймактын инвестициялык жагымдуулугун жогорулатып, жаңы долбоорлорду тартууга жана кошумча жумуш орундарын түзүүгө шарт түзөт.
