Кыргызстан менен Беларустун соода көлөмү 206 млн долларга жакын болгон
Министрлер Кабинетинин Төрагасы - Адылбек Касымалиев жана расмий сапар менен өлкөгө келген Беларусь Республикасынын Премьер-министри Александр Турчин эки тараптуу жолугушуу өткөрүштү. Бул тууралуу президенттик админстрациянын маалыматтык саясат бөлүмүнөн билдиришти.
Министрлер Кабинетинин төрагасы Адылбек Касымалиев белгилегендей, Беларусь Премьер-министринин бул сапары кыргыз-беларусь кызматташтыгын мындан ары чыңдоодо маанилүү этап болуп, өз ара кызыкчылык туудурган бардык багыттар боюнча өз ара аракеттенүүгө кошумча динамика берет.
Адылбек Касымалиев эки өлкөнүн ортосунда соода-экономикалык кызматташтыктын туруктуу оң динамикасы байкалып жатканын белгиледи. 2025-жылдын жыйынтыгы боюнча өз ара сооданын көлөмү 206 миллион долларга жакын болуп, мурунку жылга салыштырмалуу 54%дан ашык өскөн.
Ушул контекстте ал кыргыз-беларусь кызматташтыгынын мүмкүнчүлүктөрүн белгилеп, өнөр жай жана технологиялык кызматташтыкты тереңдетүү зарылдыгын белгиледи.
Кыргызстан менен Беларусь Республикасынын ортосундагы 2030-жылга чейин соода-экономикалык кызматташтыкты өнүктүрүү боюнча Жол картасын ишке ашыруу бул жагынан өзгөчө мааниге ээ, алар өз ара сооданын көлөмүн 500 миллион долларга жеткирүүнү караштырат.
