Тоо-кен тармагынан түшкөн салыктар 18,2 млрд сомго өстү
Кыргызстанда 2026-жылдын январь-июнь айларында тоо-кен казып алуу ишканалары төккөн салык жана төлөмдөрдүн көлөмү 46,5 млрд сомду түздү.
Маалыматка ылайык, аталган каражат 2025-жылдын ушул мезгилине салыштырмалуу 18,2 млрд сомго көп. Былтыркы алты айда тоо-кен тармагынан түшкөн төлөмдөрдүн көлөмү 28,3 млрд сомду түзгөн.
Ошондой эле отчеттук мезгилде лицензияны кармап туруу үчүн жыйымдар боюнча кирешелердин өсүшү да белгиленди. 30-июнга карата бул багытта түшкөн каражаттар 461,1 млн сомго жетип, жылдык пландын 122,85% аткарылды. Жылдык план 375 млн сом деп белгиленген.
Бул көрсөткүчтөр Жаратылыш ресурстары, экология жана техникалык көзөмөл министрлигинде 2026-жылдын биринчи жарым жылдыгынын жыйынтыгы боюнча өткөн коллегиялык жыйында маалым болду.
