Wildberries компаниясынын кампаларын Кыргызстанга ачуу сунушталды
Темир Сариев Wildberries маркетплейсинин логистикалык кампаларын Кыргызстанга жайгаштырууну сунуштады. Бул тууралуу Соода-өнөр жай палатасынан билдиришти.
Маалыматка ылайык, Кыргыз-Орус ишкерлер кеңешинин жыйынында Соода-өнөр жай палатасынын президенти Темир Сариев эки өлкөнүн соода жүгүртүүсүн 5 миллиард долларга жеткирүүнүн негизги шарттарын атап, маркетплейстердин тобокелдиктерин азайтуу чечимин сунуштады.
Соодадагы 3 негизги тоскоолдук: Бюрократия жана регламенттер:
Маркировкалоо жана техникалык регламенттердеги айырмачылыктар ишкерлерди текшерүүлөрдөн кайрадан өтүүгө мажбурлоодо.
Чек арадагы кечигүүлөр: Макулдашылбаган санитардык контроль жана узун кезектер тез бузулуучу товарлардын сапатын жоготууга алып келүүдө.
Макулдашылбаган санитардык контроль жана узун кезектер тез бузулуучу товарлардын сапатын жоготууга алып келүүдө.
Маркетплейстердин тобокелдиктери:
Россиядагы Wildberries логистикалык борборлорундагы өрт кырсыктары кыргызстандык өндүрүүчүлөргө түз зыян келтирүүдө.
Темир Сариев Wildberries жана башка ири маркетплейстердин логистикалык инфраструктурасынын бир бөлүгүн Кыргызстандын аймагында жайгаштырууну сунуштады.
“Маркетплейстердин логистикалык кубаттуулуктарын Кыргызстанда жайгаштыруу – бул жөн гана экономикалык маселе эмес, тобокелдиктерди азайтуу. Товар бир гана ири түйүндө сакталбашы керек”, – деп белгиледи Сариев.
