Талас облусу 55 өлкө менен соода-экономикалык багытта кызматташат
Талас облусунда 2026-жылдын биринчи жарым жылдыгындагы социалдык-экономикалык өнүгүүнүн жыйынтыгы чыгарылып, алдыдагы милдеттер белгиленди. Бул тууралуу аймактык өкүлчүлүктөн билдиришти.
Жыйында экономикалык өсүш, инвестиция тартуу, курулуш, жол инфраструктурасы, айыл чарба жана социалдык тармактардагы көрсөткүчтөр талкууланды.
Маалыматка ылайык, учурда Талас облусу дүйнөнүн 55 өлкөсү менен соода-экономикалык байланыш жүргүзүп жатат. Ошондой эле 68 объект курулууда.
Ал эми Талас шаарында Турукташтыруу фондунун колдоосу менен 28 чакырым жолго асфальт төшөлүп жатат.
Маалыматка караганда, айыл чарба тармагында жаңы техникаларды алуу, сугат каналдарын жаңылоо жана сугат тутумун жакшыртуу иштери уланууда. Мал чарбасында ветеринардык эмдөө иштери жүргүзүлүп, турак жайларды камсыздандыруу боюнча да иштер аткарылууда.
Жыйында айрым тармактардагы кемчиликтер да белгиленип, аларды жоюу боюнча тиешелүү жетекчилерге тапшырмалар берилди.
Алдыда башталган долбоорлорду сапаттуу жана өз мөөнөтүндө бүтүрүү, калктын жашоо шартын жакшыртууга артыкчылык берилери белгиленди.
