Экономика

Акы төлөнүүчү мамлекеттик жана муниципалдык кызматтардын бирдиктүү реестри түзүлөт

Ишкер Media

10 окт 2026 09:19

Экономика жана коммерция министрлиги акы төлөнүүчү мамлекеттик жана муниципалдык кызматтарды, ошондой эле жарандык-укуктук мүнөздөгү кызматтарды камтыган бирдиктүү реестрди бекитүүнү коомдук талкууга сунуштады. Документ мамлекеттик кызматтар тууралуу маалыматтарды системалаштырууга, аларды көрсөтүү шарттарынын ачык-айкындуулугун камсыз кылууга жана реестрди үзгүлтүксүз жаңыртып турууга багытталган.

Маалыматка ылайык, реестрге кызматтын аталышы, аны көрсөтүүгө жооптуу орган жана аткаруучу, кызматты алуу формасы жана шарттары, акы төлөө тартиби жана көрсөтүлгөн кызматтын натыйжасы тууралуу маалыматтар киргизилет. Реестр министрликтин расмий сайтына жайгаштырылат.

Долбоорго ылайык, лицензияларды жана уруксат документтерин берүү, кайра тариздөө жана узартуу сыяктуу иштер реестрге киргизилбейт. Анткени алар өзүнчө мыйзамдар менен жөнгө салынат.

Ошондой эле мамлекеттик органдардын карамагында турган маалыматтарды тастыктоо үчүн берилүүчү маалымкаттар жана көчүрмөлөр өз алдынча кызмат катары каралбайт. Маалымат алуу үчүн жооп даярдоо акысыз жүргүзүлөт. Ал эми документтердин 15 беттен ашык көлөмүн көчүрүүдө же басып чыгарууда чыгымдын өздүк наркынан ашпаган акы алынышы мүмкүн.

Министрлик долбоор жаңы кызматтарды киргизбестигин жана кызмат көрсөтүүлөр үчүн жаңы тарифтерди белгилебестигин белгилейт. Реестрди бекитүү жарандарга кызматтарды алуу шарттары жана акы төлөө тартиби тууралуу так маалымат алууга мүмкүнчүлүк түзүп, негизсиз төлөмдөрдү аныктоого жана коррупциялык тобокелдиктерди азайтууга багытталган.

Мындан тышкары окуңуз

Бишкекте трамвай тармагын өнүктүрүү, метробус жана метро куруу келечеги пландаштырылууда

Кечээ Бишкек шаарынын мэриясында шаар мэринин биринчи орун басары Кубанычбек Иманалиев менен Франция Республикасынын Кыргыз Республикасындагы Атайын жана Ыйгарым укуктуу элчиси Николя Файдын жолугушуусу болуп өттү. Жолугушуунун жүрүшүндө борбор калаанын транспорттук инфраструктурасын модернизациялоо жана коомдук транспорттун заманбап түрлөрүн өнүктүрүү келечеги талкууланды. Жолугушууга Бишкек шаарынын мэриясынын кызматкерлери, Франциянын делегациясынын өкүлдөрү жана

Ак ниет салык төлөөчүлөрдү коргоого багытталган Жарлыкка кол коюлду

Президенти Садыр Жапаров “Ак ниет салык төлөөчүлөрдү коргоонун укуктук кепилдиктерин өркүндөтүү боюнча чаралар жөнүндө” Жарлыкка кол койду. Жарлык салык системасын өркүндөтүүгө, ак ниет салык төлөөчүлөрдүн укуктарын коргоону күчөтүүгө жана ишкердикти өнүктүрүү үчүн жагымдуу шарттарды түзүүгө багытталган. Документтин негизги максаты — мамлекеттин кызыкчылыктары менен ишкерлердин укуктарынын ортосундагы адилеттүү тең салмактуулукту камсыз кылуу

Мамлекеттик бажы жана Мамлекттик чек ара кызматына жаңы жетекчилер дайындалды

Мамлекеттик бажы кызматынын төрагасы болуп Улан Кимсанов дайындалды. Тиешелүү жарлыкка президент Садыр Жапаров кол койду. Бул тууралуу президенттин басма сөз кызматынан кабарлашты. Маалыматка ылайык, Кимсанов буга чейин Мамлекеттик бажы кызматынын төрагасынын биринчи орун басары кызматын аркалап келген. Улан Кимсанов - 1995-жылы Кыргыз тоо-кен жана металлургия институтун пайдалуу кендерди жер

BAKAI S&P Global CSA ESG баалоосунда 71 упай алып, дүйнөлүк банк секторунун алдыңкы 9%ына кирди

BAKAI туруктуу өнүгүү боюнча жыл сайын өткөрүлүүчү эл аралык S&P Global Corporate Sustainability Assessment (CSA) баалоосунун жыйынтыгын жарыялайт. 2026-жылдын 6-октябрында расмий берилген баалоонун жыйынтыгы боюнча Банк мүмкүн болгон 100 упайдын ичинен 71 упай алды. Бул 2025-жылдагы көрсөткүчтөн 14 упайга жогору. S&P Global CSA