Ишкерлер жумушсуздарды ишке алганы үчүн 150 миң сом алат
Эмгек министрлиги "Социалдык контракт" программасынын алкагында ишкерлер менен биргеликте жумуш орундарын түзүү боюнча жаңы пилоттук долбоорун баштады. Бул тууралуу Эмгек жана социалдык камсыздоо министрлигинин басма сөз кызматы маалымдады.
Билдирүүгө караганда, долбоордо ишкерлерге бир жумушсуз жаранды расмий жумушка алганы үчүн 150 миң сом кайтарымсыз акча берилет. Бир ишкер 5 адамга чейин жумушка ала алат.
Максаты - чакан бизнести өнүктүрүү жана жумуш орундарын түзүү.
Талаптары:
• 1 жыл туруктуу кирешеси бар ишкер
• орточо айлыктан кем эмес маяна берүү
• кызматкерди окутуу
Пилот 12 айга - Бишкек, Ош, Каракол шаарларында жана Кадамжай районунда өтөт.
Кайрылуу үчүн айыл өкмөтүнүн социалдык адисине же райондук эмгек башкармалыгына баруу керек.
