Ала-Бука районунда өнөр жай өндүрүшү 10,9 млрд сомго жетти
Өлкө лидери Садыр Жапаров 25-октябрда Жалал-Абад облусуна болгон иш сапарынын жүрүшүндө Ала-Бука районунун 2021–2026-жылдардагы социалдык-экономикалык өнүгүүсүнүн жыйынтыктары, ишке ашырылган долбоорлор жана мындан аркы өнүгүүнүн келечектүү багыттары менен таанышты. Бул тууралу президенттик администрациядан билдиришти.
Берилген маалыматка ылайык, Ала-Бука районунда өнөр жай өндүрүшүнүн көлөмү 2021-жылдагы 4,4 млрд сомдон 2025-жылы 10,9 млрд сомго жеткен.
Аталган мезгилде өнөр жай өндүрүшүнүн көлөмү 145,6 пайызга өскөн. Ал эми 2026-жылдын жыйынтыгында бул көрсөткүч 12,5 млрд сомго жетери күтүлүүдө.
Ошондой эле районго тартылган инвестициялардын көлөмү 2021-жылдагы 945,3 млн сомдон 2026-жылы 2,5 млрд сомго чейин көбөйгөн.
