Мамлекеттик банктар санкциялык тобокелдиктери жогору 284 компания менен ишкердигин токтотту
Кыргызстандын мамлекеттик банктары жыл башынан бери санкциялык тобокелдиктери жогору 284 компания менен ишкердик мамилелерин токтотту. Бул тууралуу Экономика жана коммерция министрлигинен билдирди.
Билдирүүгө караганда, кечээ тышкы экономикалык ишмердүүлүктүн жана санкциялык тобокелдиктери жогору операциялардын ак ниетсиз катышуучуларын аныктоо боюнча ведомстволор аралык жумушчу топтун жыйыны өткөн.
Ага КРнын Президентинин санкциялык саясат жана санкциялык тобокелдиктерди минималдаштыруу маселелери боюнча атайын өкүлү Бакыт Сыдыков төрагалык кылды.
Жыйында мамлекеттик органдардын санкциялык тобокелдиктери жогору юридикалык жактарды аныктоо жана текшерүү боюнча ишинин жыйынтыктары, ошондой эле тиешелүү тизмени түзүү жана колдонуу маселелери каралды.
Ал эми "Элдик Банк" ААКсы 169 компания менен ишкердик мамилелерин токтотту. Дагы төрт компания текшерүү баскычында турат.
Анда өзүнчө эл аралык өнөктөштөр, анын ичинде Европа биримдиги, АКШ жана Улуу Британия менен өз ара аракеттенүү маселелери талкууланды.
Министр санкциялык тобокелдиктерди өз убагында аныктоо жана минималдаштыруу боюнча мамлекеттик органдардын, финансылык жөнгө салуучу органдардын жана банк секторунун макулдашылган ишин улантуунун маанилүүлүгүн белгиледи.
