Энергетика

Кыргызстан менен Кытай энергетиканы өнүктүрүү боюнча бир катар документтерге кол койду

Чынгыз Керимбеков

26 окт. 2023 12:45

2023-жылдын 25-октябрында Кытайдын Мамлекеттик кеңешинин премьери Ли Цян менен энергетика министри Таалайбек Ибраев энергетика тармагындагы кызматташтыкты терендетүү жана биргелешип долбоорлорду ишке ашыруу максатында бир катар документтерге кол койду. Бул тууралуу министрлик билдирди.

Тараптар төмөнкү документтерге кол койду:

• «Кызматташтык жөнүндө» Алкактык макулдашууга кол коюлду. Бул макулдашуунун максаты КР ЭМ менен Молин Энерджи компаниясынын ортосунда кубаттуулугу 400 МВт энергиянын кайра жаралуучу булактарын өнүктүрүү боюнча кызматташуу болуп саналат. Тараптар «Ысык-Көл облусунун Тоң районунун Көк-Мойнок айыл аймагындагы Кара-Талаа участкасында жалпы кубаттуулугу 400 МВт болгон күн электр станцияларын куруу» долбоорун ишке ашыруу боюнча макулдашууга жетишти. Ибраев менен Молин Энержи Компани Лимитед (Molin Energy Company Limited) компаниясынын президенти Ян Мэн кол койду. Алдын ала инвестициянын көлөмүн Кытай тарап аныктаарын белгилейбиз.

• Энергетика министрлиги жана кытайлык «Голд Винд Сайэнс энд Техноложи Ко, Лтд» (Goldwind Science & Technology Co., Ltd) компаниясынын ортосундагы «Стратегиялык кызматташтык жөнүндө» Алкактык макулдашууга кол коюлду. Макулдашуунун максаты Кыргызстанда пайдаланылбай жаткан жерлердин чоң аянтын, шамалдан жана күндүн энергиясынан электр энергиясын өндүрүүнү туура пайдалануу болуп эсептелет. Бул келишим 2023-жылдын 19 августунда КЭР СУАРда кол коюлган Өз ара түшүнүү Меморандумдун негизинде мындан ары кызматташууну улантуу максатында жана жашыруун маалыматты ачыкка чыгарбоо жөнүндө макулдашууга кол койгон. Инвестициялардын жалпы көлөмү техникалык-экономикалык негиздемени иштеп чыгуунун негизинде аныкталат. Макулдашууга энергетика Министри Ибраев жана Goldwind Science & Technology Co., Ltd компаниясынын Ыйгарым укуктуу өкүлү Вэнг Хей (Wang Hai) кол койду.

Эки тараптын кызматташтыгынын күчтүү базалык шарттары жана кеңири өнүгүү перспективалары бар жана алар утушка алып келери шексиз. Инвестициянын көлөмү техникалык-экономикалык негиздемени иштеп чыгуунун негизинде аныкталаары белгилүү болду.

Мындан тышкары окуңуз

Өлкө курама командаларынын окуу-машыгуу жыйындарына 7,6 млн сом каралат

Олимпиадалык спорт түрлөрү боюнча дирекция Кыргызстандын курама командалары үчүн окуу-машыгуу жыйындарын (ОМЖ) уюштуруу кызматтарын сатып алуу боюнча тендер жарыялады. Мамлекеттик сатып алуулар порталы билдиргендей, бул максаттарга 7 миллион 623,2 миң сом бөлүү пландалууда. Лотторго ылайык, окуу-машыгуу жыйындары төмөнкү спорт түрлөрү боюнча Кыргыз Республикасынын курама командалары үчүн каралган: * дзюдо, * оор

Кыргызстанда халал-индустриясынын талаптарын бузгандарга айып пул салынат

Экономика жана коммерция министрлиги "Кыргыз Республикасындагы халал-индустриясы жөнүндө" мыйзамда каралган талаптарды бузгандыгы үчүн айып пул салууну сунуштайт. Бул тууралуу министрдин орун басары Султан Ахматов Жогорку Кеңештин финансы, бюджет, ишкердик жана атаандаштыкты өнүктүрүү боюнча комитетинин жыйынында билдирди. Учурда Укук бузуулар жөнүндө кодекске тиешелүү өзгөртүүлөр али киргизиле элек. Ушуга байланыштуу

КРУБ коммерциялык банктардын бирине 55 миң сом айып пул салды

Кыргыз Республикасынын мыйзам талаптарын жана Улуттук банктын ченемдик укуктук актыларынын талаптарын бузууга жол бергендиги үчүн бир коммерциялык банкка карата 55 000 сом өлчөмүндө айып пул салынды. Бирок конкреттүү кайсы банк тууралуу жана кайсыл бузуулар үчүн айып пул салынгандыгы тууралуу сөз болуп жатканын Улуттук банк тактаган жок. Азыркы тапта, КРУБдун банктык

МКУ былтыр 8 млн 508 миң сом камсыздандыруу төлөмдөрүн жүргүзгөн

Мамлекеттик камсыздандыруу уюму (МКУ) камсыздандыруунун негизги түрлөрү боюнча жарандарга жана юридикалык жактарга жалпысынан 8 508 695,88 сом өлчөмүндө төлөмдөрдү жүргүзгөнүн аталган уюмдун басма сөз кызматынан билдиришти. Маалыматка ылайык, камсыздандыруу төлөмдөрүнүн эң чоң бөлүгү автожарандык жоопкерчиликти милдеттүү камсыздандырууга туура келет. Төлөнгөн каражаттардын түрлөрү боюнча бөлүштүрүлүшү: * ОСАГО — 6 256 270 сом;